முதல்ல இந்து.. அடுத்து முஸ்லிம் முறைப்படி.. மாஸ் காட்டிய மணிமேகலை.. கமகமத்த பிரியாணி!

மதங்களை கடந்து மனிதத்தை போற்றுவோம் என பலர் பேசினாலும், சிலர் மட்டுமே அதன்படி வாழ்ந்து காட்டுகின்றனர். அப்படி சிலரில் ஒருவர் தான் மணிமேகலை மற்றும் உசைன். 

மணிமேகலையின் கணவர் உசைன் சபரி மலைக்கு மாலை போட்டு சென்றதை பார்த்து ரசித்த ரசிகர்கள் தற்போது அவரது புதிய வீட்டின் புதுமனை புகு விழாவை இந்து முறைப்படியும் இஸ்லாமிய முறைப்படியும் செய்துள்ளதை பார்த்து வியந்துள்ளனர். 

காலையில் யாகம் வளர்த்து, பசுமாடு உள்ளே வரவழைத்து சாமி போட்டோவை எடுத்துக் கொண்டு வீட்டில் நுழைந்து பால் காய்த்து புதுமனை புகுவிழாவை கொண்டாடினார். 

அதன் பின்னர் செம ராயலாக உடையணிந்துக் கொண்டு இஸ்லாமிய முறைப்படி விருந்தினர்களுக்கு பிரியாணி சமைத்துப் போட்டு கொண்டாடியுள்ளார். 

முதலில் இந்து முறைப்படி புதுமனை புகுவிழாவை நடத்திய உசைன் - மணிமேகலை அதன் பின்னர் இஸ்லாமிய முறைப்படி நடத்திய புதுமனை புகுவிழா போட்டோக்களை ஷேர் செய்துள்ளனர். 

கோமாதாவுக்கு இருவரும் எப்படி பூஜை செய்து வழிபாடு நடத்தினரோ அதே போலவே இஸ்லாமிய முறைப்படியும் இருவரும் வணங்கி தங்கள் கனவு இல்லத்தில் குடிபுகுந்துள்ளனர். 

மண்டியிட்டு விஜே மணிமேகலை தொழுகை நடத்தும் காட்சிகளையும் ஷேர் செய்துள்ளார். 

விஜய் டிவி பிரபலங்கள் வரிசையாக கார் வாங்குறாங்க, வீடு கட்டுறாங்க, என்னப்பா நடக்குது என ரசிகர்கள் ஒரு பக்கம் பேசினாலும், தொடர்ந்து உழைத்து இப்படியொரு இடத்தை அடைந்துள்ளார் மணிமேகலை என பலரும் பாராட்டி வருகின்றனர். 

வீடு ரொம்பவே பிரம்மாண்டமாக கிராண்டாக உள்ளது என்றும் எத்தனை கோடி தேறும் என்றும் கணக்குப்போட்டு வருகின்றனர்.