கோலங்கள் ஆதி மகனா இவர்?.. பட்டம் வாங்கி அப்பா, அம்மாவை பெருமைப்படுத்திட்டாரே!

தேவயானி மகள் பிரசாந்த் படத்தில் ஹீரோயினாக நடித்து வரும் நிலையில், கோலங்கள் சீரியலில் வில்லன் ஆதியாக நடித்த அஜய் கபூரின் மகன் பட்டம் வாங்கி அசத்தியுள்ளார். 

கோலங்கள் சீரியலில் ஆதித்யா கதாபாத்திரத்தில் வில்லனாக நடித்து மிரட்டிய அஜய் கபூர் நிஷா என்பவரை திருமணம் செய்த நிலையில், அவர்களுக்கு பிறந்த மகனுக்கு விசேஷ் என பெயர் சூட்டி வளர்த்து வந்தனர். இந்நிலையில், அவர் கல்லூரி படிப்பை முடித்து பட்டம் வாங்கியுள்ளார். 

அம்மா நிஷா கபூர் தனது இன்ஸ்டாகிராமில் மகன் பட்டம் வாங்கிய போட்டோக்களை ஷேர் செய்து நிலவு அளவுக்கு அதிக சந்தோஷத்தில் உள்ளேன் என்று கூறியுள்ளார். 

சின்னத்திரையில் சிறப்பான நடிகராக அசத்திய அஜய் கபூருக்கு அயன் படத்தில் வில்லனாக நடிக்கும் வாய்ப்பே வந்தது. ஆனால், அதை அவர் தவிர்த்து விட்டார். ஆனால், வில்லனாக நடித்தவருக்கு வாய்ஸ் கொடுத்ததே இவர் தான். 

தனது குடும்பத்துடன் சந்தோஷமான வாழ்க்கையை வாழ்ந்து வரும் அஜய் கபூர் மகன் படித்து பட்டம் வாங்கிய சந்தோஷத்தை கொண்டாடி வருகிறார்.