முகப்பு

ஹீரோயின்

சென்னை: சற்று முன்பு வெளியான தூங்காவனம் படத்தின் டிரெய்லர் விழாவில் சேலை அணிந்து கலக்கிக் கொண்டிருக்கிறார் நடிகை த்ரிஷா.

படத்தின் டிரெய்லருக்கு சமமாக த்ரிஷா அணிந்து வந்த சேலையும் பலரின் கவனத்தை கவர்ந்திருக்கிறது. இந்த விழாவுக்கென்றே பிரத்யேகமாக வடிவமைக்கப்பட்ட சேலையுடன் த்ரிஷா வந்தபோது அனைவரின் கண்களும் அவரின் சேலை மீதே இருந்தது.

வெளிர் சந்தன நிறத்தில் பூ போட்ட சேலையில் பூக்கள் ப்ரிண்ட் செய்யப்பட்ட ப்ளவ்ஸும் அஸ்தக் ஜக்வானியால் டிசைன் செய்த கல் பொருத்தப்பட்ட தோடும் என த்ரிஷாவின் இந்த "சேலை"புகைப்படம் தற்போது இணையத்தில் சுற்றி வந்துகொண்டிருக்கிறது.

பல பேரின் கவனத்தை ஈர்த்த அந்த சேலையின் விலை எவ்வளவு தெரியுமா? நாம் விசாரித்துப் பார்த்ததில் குறைந்த பட்சம் 50,000 தொடங்கி அதிகபட்சமாக 1.50 லட்சங்களைத் தொடலாம் என்று கூறுகின்றனர்.

ஆடை வடிவமைப்பாளர் வருண் பாலின் எந்த ஒரு சாதாரண உடையும் 15 ஆயிரத்துக்கு மேல்தான் என்பது குறிப்பிடத்தக்கது.

வருண் பால் த்ரிஷா மட்டுமின்றி பல நாயகிகளின் சினிமா நிகழ்ச்சிகளுக்கான பிரத்யேக ஆடை வடிவமைப்பாளராக விளங்குகிறார் என்பது குறிப்பிடத்தக்கது.

தூங்காவனம் டிரெய்லர் முழுவதுமே த்ரிஷாவின் உடைகள் மேற்கத்திய பாணியிலேயே அமைந்திருந்த நிலையில், சேலை கட்டும் ஆசையை டிரெய்லர் வெளியீட்டு நிகழ்ச்சியில் வெளிபடுத்தியிருக்கிறார் த்ரிஷா.

தற்போது தூங்காவனம் டிரெய்லருக்கு சமமாக சமூக வலைதளங்களில் புகழ்பெற்று வருகிறது த்ரிஷாவின் கிராண்டான சேலை.