என் காதலி சீன் போடுறா

என் காதலி சீன் போடுறா இயக்குனர் ராம் சேவா இயக்கத்தில் அங்காடி தெரு புகழ் மகேஷ் நடிக்கும் காதல் மற்றும் நகைச்சுவை திரைப்படம். இத்திரைப்படத்தினை தயாரிப்பாளர் ஜோசப் பேபி தயாரிக்க இசையமைப்பாளர் அண்ரிஷ் இசையமைத்துள்ளார். கதை சீன் போடும் காதலியை ஹீரோ கஷ்டப்பட்டு கரெக்ட் செய்யும் நேரத்தில் எதிர்பாராத விதமாக நடக்கும் சம்பவங்களின் தொகுப்பு தான் என் காதலி சீன் போடுறா திரைப்படம். அப்பா, அம்மா இல்லாத மகேஷுக்கு அண்ணன், அண்ணி தான் ஒரே ஆறுதல். தன்னுடன் பணியாற்றும் ஷாலுவை காதலிக்கிறார் மகேஷ். ஆனால் வீட்டின் செல்லப்பிள்ளையான ஷாலு மிகவும் கோபக்காரர். மகேஷை கண்டுக்கொள்ளாமல் 'சீன்' போடுகிறார். தனது அண்ணியின் உதவியுடன் ஷாலுவை கரெக்ட் செய்கிறார். அந்த நேரம் பார்த்து மகேஷ் அண்ணன் மீது முன்விரோதம் கொண்டிருக்கும் சக போலீஸ் அதிகாரி கோகுல் எண்ட்ரியாகிறார். மகேஷின் அண்ணனை பழி தீர்க்க வேண்டும் என துடிக்கிறார். இந்த நிலையில் மகேஷ் - ஷாலு நிச்சயதார்த்தம் ஒரு கோவிலில் நடக்கிறது. அந்த சமயத்தில் மகேஷின் அண்ணி மர்மமாக கொல்லப்படுகிறார். அவரைக் கொன்றது யார்? கோகுலுக்கும், மகேஷ் அண்ணனுக்கு இடையே உள்ள முன்விரோதம் என்ன? மகேஷ் - ஷாலு திருமணம் நடந்ததா என்பதே மீதிக்கதை.