விஜய் சொன்ன ஒத்த வார்த்தை.. மொத்த சண்டையும் காலி.. டிவிட்டரை திணறவிடும் நண்பர் அஜித்! #NanbarAjith

கறுப்பு நிற சூட்

இந்த நிகழ்ச்சியில் நடிகர் விஜய் கறுப்பு நிற கோட் சூட்டில் டக்கராய் பங்கேற்றார். அவரது உடை பலரின் கவனத்தையும் பெற்றது. நிகழ்ச்சியின் இறுதியாக மேடைக்கு வந்த விஜயிடம் தொகுப்பாளர் விஜய் அவரது உடை பற்றிகேட்டார். அதற்கு பதிலளித்த விஜய், நம்ம காஸ்ட்யூம் டிசைனர் பல்லவிதான் ஒவ்வொரு ஃபங்ஷனுக்கும் ரொம்ப மோசமா டிரெஸ் பண்றீங்க இந்த வாட்டி கோட் சூட் ட்ரை பண்ணலாமான்னு கேட்டாங்க.

நண்பர் அஜித் மாதிரி

சரி ட்ரை பண்ணலாம்.. நம்ம நண்பர் அஜித் மாதிரி டிரெஸ் பண்ணலாம்னு கோட் சூட் அணிந்து வந்தேன் என்றார். இதனைக் கேட்டதும் அங்கிருந்த விஜய் ரசிகர்கள் ஓவென கத்தி ஆரவாரம் செய்தனர். பின்னர் தளபதி தளபதி என முழக்கமிட்டனர். தொடர்ந்து பேசிய விஜய், சூட் நமக்கு சூட்டாகுதா என தொகுப்பாளர்களிடம் கேட்டார் விஜய். அதற்கு தொகுப்பாளர் விஜய் சூப்பரா சூட்டாகுதுன்னா.. மாஸ்.. என புகழ்ந்து தள்ளினார்.

டிவிட்டரில் ட்ரென்ட்

விஜயின் இந்த பேச்சை விஜய் ரசிகர்கள் மட்டுமின்றி அஜித் ரசிகர்களும் வரவேற்றுள்ளனர். விஜய் அஜித் குறித்து பேசிய அந்த வீடியோ க்ளிப்ஸ் டிவிட்டரில் அதிகம் ஷேர் செய்யப்பட்டு வருகிறது.விஜயின் இந்த பேச்சை தொடர்ந்து இரவு முதலே நண்பர் அஜித் என்ற ஹேஷ்டேக் டிவிட்டரில் ட்ரென்ட்டாகி வருகிறது.

நண்பர் அஜித் ஹேஷ்டேக்

நேற்று இரவு வரை ட்ராக் லிஸ்ட் விவகாரத்தால் மண்டி போட்ட வாத்தி என்ற ஹேஷ்டேக் ட்ரென்டானது. மாஸ்டர் ஆடியோ லாஞ்சை பின்னுக்கு தள்ளி டாப்பில் இருந்தது அந்த ஹேஷ்டேக். விஜயின் பேச்சுக்கு பிறகு நண்பர் அஜித் என்ற ஹேஷ்டேக்குதான் ட்ரென்டிங்கில் இருந்து வருகிறது. வழக்கமாக டிவிட்டரில் மோதிக் கொள்ளும் விஜய் மற்றும் அஜித் ரசிகர்கள், இணைந்து நண்பர் விஜய் ஹேஷ்டேக்கை ட்ரென்ட் செய்து வருகின்றனர்.

மறக்க முடியாத நாள்

நடிகர் விஜய் நடிகர் அஜித் குறித்து பேசிய வீடியோ க்ளிப்பை ஷேர் செய்துள்ள அஜித் ரசிகரான இவர், விஜய் சாரிடம் இருந்து வந்த வார்த்தைகள் #நண்பர்அஜித் என கூறியதை குறிப்பிட்டுள்ளார். மேலும் தல மற்றும் தளபதி ரசிகர்களுக்கு மறக்க முடியாத நாள் என்றும் தெரிவித்துள்ளார்.

நெகட்டிவிட்டிக்கு கிக்கு

விஜய் பேசிய, உங்களின் வெற்றியின் மூலம் அவர்களை கொல்லுங்கள், உங்களின் சிரிப்பு மூலம் அவர்களை புதையுங்கள் என்ற வரியை குறிப்பிட்டுள்ள இந்த ரசிகர் விஜயும் அஜித்தும் சேர்ந்து நெகட்டிவிட்டியை எட்டி உதைப்பது போன்ற ஓவியத்தை ஷேர் செய்திருக்கிறார்.

மோதல் குறைந்தது

மேலும் ஸ்பிரட் பாஸிட்டிவிட்டி என்று குறிப்பிட்டு விஜயும் அஜித்தும் ஒன்றாக இருக்கும் போட்டோக்களை தங்களின் டிவிட்டர் பக்கத்தில் ஷேர் செய்து வருகின்றனர். நண்பர் அஜித் ஹேஷ்டேக்கால் இரு உச்ச நடிகர்களின் ரசிகர்களுக்கு இடையே ஏற்பட்ட மோதல் குறைந்துள்ளது குறிப்பிடத்தக்கது.