நான் "புலி" ரசிகனாக்கும்.. சொல்வது "பாயும் புலி" விஷால்!

போட்டி தலைப்பு

‘புலி' என்று விஜய் படத்திற்கு தலைப்பு வைத்தால் போட்டிக்கு தன் படத்துக்கு ‘பாயும் புலி' என்று தலைப்பு வைத்தார் விஷால்.

மோதல் போக்கு ஏன்?

விஜய்யை வேண்டுமென்றே சீண்டுகிறார் விஷால் என்று ரசிகர்களிடமும், திரையுலகினரிடமும் பகிங்கரமாகப் பேசப்பட்டு வந்தது.

ஒரே சமயத்தில்

சமீபத்தில் ரசிகர்களுடன் நடத்திய சாட்டிங்கில் அவர்கள் கேட்ட பல கேள்விகளுக்கு விஷால் பதிலளித்துள்ளார். அப்போது, ஒரே சமயத்தில் சங்கர் படத்தில் நடிக்கவும், விஜய் படத்தை இயக்கவும் வாய்ப்பு கிடைத்தால் எதை தேர்வு செய்வீர்கள்? என்று ஒரு ரசிகர் கேட்டார்.

விஜய்தான் தேர்வு

‘கடினமான தேர்வுதான், இருந்தாலும் நான் விஜய்யை வைத்து தான் இயக்க முடிவு செய்வேன்' என்றார் விஷால். மேலும் விஜய் நடித்த ‘துப்பாக்கி' மிகவும் பிடிக்கும் என்றிருக்கிறார்.

விஜய் ரசிகன் நான்

எந்த ஒரு புதுமுக இயக்குநரும் விஜய்க்காகவே முதலில் கதை எழுதுவார்கள். நானும் அப்படித்தான் புதுமுக இயக்குநராக விஜய்காக கதை எழுதுவேன் என்று கூறியுள்ளார். ஏனென்றால் நான் விஜய்யின் தீவிர ரசிகன் என்று கூறியுள்ளார் விஷால்.

பாயும்புலி

விஷால் தற்போது சுசீந்திரன் இயக்கி வரும் ‘பாயும் புலி' படத்தில் நடித்து வருகிறார். இதில் விஷாலுக்கு ஜோடியாக காஜல் அகர்வால் நடித்து வருகிறார். இப்படம் விநாயகர் சதுர்த்தியான செப்டம்பர் 17ம் தேதி வெளியாகவுள்ளதாம்.