பக்கிரி

தனுஷும் அவரது கூட்டாளிகளும் கண்கட்டி வித்தைகாட்டி மக்களிடம் இருந்து பணம், செல்போன் போன்றவைகளை பறிக்கிறார்கள். பெரியவனான இந்த வேலையை தொடர்ந்து செய்யும் தனுஷ், தாயின் மறைவிற்கு பிறகு பிரான்ஸ் செல்கிறார். அங்கிருந்து, உலகின் பல்வேறு பகுதிகளிலுக்கு பயணப்படுகிறார். அவரது ஜாலியான பயண அனுபவங்களுடன், நம்மையும் கைப்பிடித்து உலக சுற்றுலாவுக்கு அழைத்து செல்கிறது படம்.

ஒரு ஹாலிவுட் படத்தில் தமிழ்நாட்டைச் சேர்ந்த ஒருவர் நடிக்கிறார் என்பது எத்தனை பெருமையான விஷயம். தனக்கும், மற்றவர்களுக்கும் அந்த பெருமையை தேடித்தந்த தனுஷுக்கு முதலில் பாராட்டுகள். தனுஷின் நடிப்பை பற்றி புதிதாக சொல்ல வேண்டியதில்லை. படம் முழுவதும் அவரது ராஜ்ஜியம் தான்.

ஒரே காட்சியில் தனுஷுடன் காதலில் விழும் எரின் மொரியாட்டி அழகு பதுமையாக வருகிறார். நன்றாக நடித்தும் இருக்கிறார். நடிகையாகவே வரும் இன்னொரு நாயகி பெரினீ பேஜோவும் சிறப்பான தேர்வு. தனுஷின் கூட்டாளியாக கறுப்பின இளைஞராக வரும் பர்காத் அப்டி, கஸ்டம்ஸ் ஆபிசராக வந்து காமெடி செய்யும் பென் மில்லர் என அனைவரும் படத்தை சுவாரஸ்யமாக நகர்த்துகிறார்கள்...