கோட் சூட்டில் அட்டகாசமாய் என்ட்ரி கொடுத்த விஜய்.. களைகட்டிய லீலா பேலஸ்.. ஒரே ஜாலிதான் போங்க!

பிரபலங்கள்

இப்படத்தின் இசை வெளியீட்டு விழா, சென்னை எம்ஆர்சி நகரில் உள்ள லீலா பேலஸ் ஹோட்டலில் நடைபெறுகிறது. கொரோனா வைரஸின் அச்சுறுத்தலால் நிகழ்ச்சி சிம்பிளாக நடைபெறுவதாக அறிவிக்கப்பட்டுள்ளது. இசை வெளியீட்டு விழா முன்னிட்டு பிரபலங்கள் பலரும் லீலா பேலஸில் குவிந்து வருகின்றனர்.

கோட் சூட்டில்

இதில் நடிகர் விஜய், மாளவிகா மோகனன். இயக்குநர் லோகேஷ் கனகராஜ் உள்ளிட்ட பலரும் பங்கேற்றுள்ளனர். இந்நிலையில் நடிகர் விஜய் கறுப்பு நிற கோட் சூட்டில் அசத்தலாய் பங்கேற்றிருக்கிறார். விஜய் கோட் சூட்டில் பக்கா புரபேஷனலாக பங்கேற்ற வீடியோக்கள் மற்றும் போட்டோக்கள் சமூக வலைதளங்களில் வைரலாகி வருகிறது.

கட்டிப்பிடித்து..

மாஸ்டர் இசை வெளியீட்டு விழாவில் விஜயின் பெற்றோரான எஸ்ஏ சந்திரசேகரும் ஷோபாவும் பங்கேற்றுள்ளனர். இசை வெளியீட்டு மேடைக்குச் சென்ற விஜய்யின் தாய், தந்தையிடம் உங்கள் ஆசை என்ன என்று நிகழ்ச்சித் தொகுப்பாளர்கள் கேட்க, விஜயைக் கட்டிப்பிடிக்க வேண்டும் என்று அவரது தாயார் ஷோபா சந்திரசேகர் கூறியுள்ளார். உடனே மேடைக்குச் சென்று தனது பெற்றோர்களின் ஆசையை நிறைவேற்றினார் நடிகர் விஜய்.

பிடித்த பாடல்

நிகழ்ச்சியில் பேசிய விஜயின் தாயார் ஷோபா, காதலுக்கு மரியாதை படத்தில் ‘ஓ பேபி' பாடலும், மாஸ்டர் படத்தில் ‘குட்டி ஸ்டோரி' பாடலும் தனக்கு மிகவும் பிடித்தவை என கூறியுள்ளார்.நிகழ்ச்சியில் பங்கேற்ற ஸ்டண்ட் சில்வா, தளபதி பாசத்தால எல்லாத்தையும் அடிப்பாரு என கூறினார்.

விஜய் சேதுபதி

மாஸ்டர் படத்தில் விஜய்க்கு வில்லனாக நடித்திருக்கும் பிரபல நடிகரான விஜய் சேதுபதியும் கறுப்பு நிற உடையிலேயே நிகழ்ச்சியில் பங்கேற்றுள்ளார். படப்பிடிப்பின் போது விஜய் சேதுபதி நடிகர் விஜயை கட்டிப்பிடித்து முத்தம் கொடுத்தார் அந்த போட்டோக்கள் வைரலானது குறிப்பிடத்தக்கது.