Don't Miss!
- Automobiles சும்மா ஓட்டி பாக்கலாம்னு ஜீப் விராங்களர் காருல ஏறிட்டீங்க திரும்பி இறங்க மனசே வராது! ஆஃப்-ரோடு அரக்கன்! வீடியோ
- Finance வீடு கட்டணுமா..அரசின் இந்த திட்டம் இருக்கே..நீங்களும் லிஸ்ட்ல இருக்கீங்களானு பாருங்க!
- Technology இதுதான் புதிய Infinix போன்.. 108MP கேமரா.. JBL சவுண்ட்.. 45W சார்ஜிங்.. எந்த மாடல்? எப்போது அறிமுகம்?
- News தாலி சர்ச்சை.. மோடிக்கு காங்கிரஸ் பதிலடி.. தங்கத்தை நாட்டுக்கு தந்த இந்திராவின் போட்டோ ட்ரெண்ட்!
- Lifestyle போலந்து மக்களால் கடவுளாக கொண்டாடப்படும் இந்திய அரசர்... அப்படி அந்த மக்களுக்கு அவர் என்ன செய்தார் தெரியுமா?
- Sports தோனியே சரி.. முஸ்தஃபிசுர்-க்கு பதிலாக வரும் ஸ்பின்னர்.. சிஎஸ்கே அணியில் நடக்கப் போகும் மாற்றம்!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
அடுத்தடுத்து இரண்டு ரிலீசுக்காக காத்திருக்கும் இயக்குனர் அட்லீ.. என்னன்னு தெரியுமா?
சென்னை : இயக்குனர் அட்லீ இயக்கத்தில் வெளியான முதல் படம் ராஜா ராணி அவருக்கு சிறப்பாக கைக்கொடுத்த நிலையில், அடுத்தடுத்து விஜய்யின் மூன்று பிளாக்பஸ்டர் படங்களை இயக்கி இந்திய அளவில் முன்னணி இயக்குநராக மாறியுள்ளார்.
இவரது இயக்கத்தில் விஜய் நடித்த தெறி, மெர்சல் மற்றும் பிகில் படங்கள் விஜய் ரசிகர்களின் எவர்கிரீன் பேவரிட் வரிசையில் இடம் பெற்றுள்ளன.
இந்தப் படங்களின் வெற்றி இவருக்கு பாலிவுட்டில் நடிகர் ஷாருக்கானை இயக்கும் வாய்ப்பை பெற்றுத் தந்துள்ளது. ஷாருக்கானின் ஜவான் படத்தை தற்போது இயக்கி வருகிறார் அட்லீ.
அட்லீ வீட்டில் நடந்த வாரிசு ஃபங்ஷன்... சர்ப்ரைஸ் கொடுக்க முதல் ஆளாக சென்ற விஜய்!
இயக்குநர் அட்லீ
இயக்குநர் அட்லீ இந்திய அளவில் மிகச்சிறந்த இயக்குநர் என்ற பெருமையுடன் வலம் வருகிறார். இவருடைய முதல் படமான ராஜா ராணி, ஆர்யா -நயன்தாரா நடிப்பில் வெளியாகி சூப்பர் ஹிட்டடித்தது. இந்தப் படத்தை தொடர்ந்து நடிகர் விஜய்யை இயக்கும் வாய்ப்பு அட்லீயின் வீடு தேடி வந்தது. இந்த வாய்ப்பை சிறப்பாக பயன்படுத்திக் கொண்டார் அட்லீ. தொடர்ந்து விஜய்யின் மூன்று படங்களை இயக்கி மூன்றையும் ஹிட்டாக்கினார். பிகில், மெர்சல் மற்றும் தெறி என விஜய்யின் அடுத்தடுத்த படங்களை இயக்கி ஹாட்ரிக் வெற்றியை கொடுத்தார்.
அடுத்தடுத்த வெற்றிகள்
அட்லீ இயக்கத்தில் வெளியான இந்தப் படங்கள் விஜய் ரசிகர்களின் எவர்கிரீன் பேவரிட் படங்களின் வரிசையில் இடம்பெற்றுள்ளன. குறிப்பாக பிகில் படத்தில் தந்தை கேரக்டரில் விஜய் நடிப்பு சிறப்பாக அமைந்திருந்தது. இந்தப் படத்தின் பாதிப்பு தற்போது தளபதி 67 படத்திலும் எதிரொலிக்கும் என்று ரசிகர்கள் எதிர்பார்த்து காத்திருக்கின்றனர். அந்த அளவிற்கு ராயப்பன் என்ற அந்த கேரக்டர் அனைவரையும் கவர்ந்தது.
விஜய்யுடன் ஹாட்ரிக் வெற்றி
விஜய்யுடன் இணைந்து ஹாட்ரிக் வெற்றியை கொடுத்த அட்லீ தற்போது பாலிவுட்டில் நடிகர் ஷாருக்கை இயக்கி வருகிறார். இந்தப் படத்திற்கு ஜவான் என்று பெயரிடப்பட்டுள்ளது. இந்தப் படத்தின் போஸ்டர்கள் உள்ளிட்டவை அவ்வப்போது வெளியாகி ரசிகர்களை வெகுவாக கவர்ந்து வருகின்றன. இந்தப் படத்தில் ஷாருக்கிற்கு இரட்டை வேடங்கள் என்று கூறப்படுகிறது. படத்தில் அவருக்கு ஜோடியாக இணைந்துள்ளார் நடிகை நயன்தாரா. படத்திற்கு அனிருத் இசையமைத்து வருகிறார்.
ஜவான் படத்தின் ரிலீஸ் தேதி
ஜவான் படத்தின் சூட்டிங் நிறைவடைந்து தற்போது போஸ்ட் புரொடக்ஷன்ஸ் பணிகள் நடைபெற்று வருகின்றன. இதனிடையே தன்னுடைய மனைவி பிரியா கர்ப்பமாக இருக்கும் மகிழ்ச்சியான செய்தியை சமீபத்தில் சமூக வலைதளங்களில் பதிவிட்டிருந்தார் அட்லீ. இந்நிலையில் ரசிகர்களுக்கு இரட்டை மகிழ்ச்சியை அளிக்கும்வகையில் தன்னுடைய ஜவான் படத்தின் ரிலீஸ் தேதியையும் தன்னடைய ட்விட்டர் பக்கத்தில் அறிவித்துள்ளார்.
அடுத்தடுத்த ரிலீஸ்
ஜவான் படம் வரும் ஜூன் 2ம் தேதி வெளியாகவுள்ளதாக அவர் தற்போது அறிவித்துள்ளார். தன்னுடைய குழந்தை பிறப்பை பிப்ரவரி மாதத்தில் எதிர்நோக்கியுள்ளதாகவும் ஜவான் ஜூன் 2ம் தேதி ரிலீசாகவுள்ளதாகவும் அவர் தன்னுடைய ட்விட்டர் பதிவில் தெரிவித்துள்ளார். இதையடுத்து அவருக்கு வாழ்த்துக்கள் குவிந்து வருகிறது. அட்லீ மற்றும் பிரியா இருவரும் சமூக வலைதளங்களில் மிகுந்த ஆக்டிவாக காணப்படுகின்றனர். இவர்களின் ரொமான்ஸ் புகைப்படங்கள் அதிகமான லைக்ஸ்களை பெற்று வருகின்றன.