தளபதி 67 LCU கான்செப்ட் தான்... நானும் நடிக்கலாம்... பத்த வச்ச ஃபஹத்... எதிர்பார்ப்பில் ரசிகர்கள்

படப்பிடிப்பில் தளபதி 67

மாநகரம், கைதி, மாஸ்டர், விக்ரம் என தான் இயக்கிய 4 திரைப்படங்களையும் ஹிட்டாக்கினார் லோகேஷ் கனகராஜ். முக்கியமாக கடந்தாண்டு வெளியான 'விக்ரம்', கோலிவுட் பாக்ஸ் ஆபிஸில் ரெக்கார்ட் பிரேக் சாதனை படைத்தது. இதனைத் தொடர்ந்து விஜய்யுடன் மீண்டும் கூட்டணி அமைத்துள்ளார் லோகேஷ். தற்காலிகமாக தளபதி 67 என்ற டைட்டில் வைக்கப்பட்டுள்ள இந்தப் படத்தின் ஷூட்டிங் சென்னையில் நடைபெற்று வருகிறது.

முதல் அப்டேட் கொடுத்த மிஷ்கின்

விஜய் ஜோடியாக த்ரிஷாவும், வில்லன்களாக அர்ஜுன், சஞ்சய் தத், மன்சூர் அலிகான், இயக்குநர்கள் மிஷ்கின், கெளதம் மேனன் ஆகியோர் நடிப்பதாக சொல்லப்பட்டது. இதுகுறித்து அதிகாரப்பூர்வ அறிவிப்பு வெளியாகாத நிலையில், தளபதி 67 ஷூட்டிங் சென்னையில் தொடங்கியதை மிஷ்கின் உறுதி செய்தார். சமீபத்தில அவர் கலந்துகொண்ட ஒரு நிகழ்ச்சியில், "இப்போது தான் தளபதி 67 ஷூட்டிங் ஸ்பாட்டில் இருந்து வருகிறேன். விஜய்யுடன் நடித்த சண்டைக் காட்சியில் அவரிடம் செம்மையாக அடிவாங்கினேன்" என பெருமையாக பேசினார்.

பத்த வச்ச ஃபஹத் பாசில்

இதனைத் தொடர்ந்து தளபதி 67 அடுத்தக்கட்ட ஷூட்டிங் கொடைக்கானலில் நடக்கவுள்ளதாக சொல்லப்படுகிறது. மேலும் பிக் பாஸ் சீசன் 6 பிரபலம் ஜனனியும் இந்தப் படத்தில் இணைந்துள்ளதாக தகவல் வெளியாகியுள்ளது. இதனிடையே ஃபஹத் பாசில் இன்னொரு மாஸ் அப்டேட் கொடுத்து ரசிகர்களின் எதிர்பார்ப்பை எகிற வைத்துள்ளார். ஃபஹத் பாசில் சொன்னபடி தளபதி 67 லோகேஷ் யுனிவர்ஸ் கான்செப்ட்டில் உருவாவது உறுதியாகியுள்ளது.

கோஸ்ட் ரிட்டர்ன்ஸ்?

மேலும் தளபதி 67 படத்தில் தானும் நடிக்கலாம் என லீட் கொடுத்துள்ளார். லோகேஷ் யுனிவர்ஸ் கான்செப்ட்டில் உருவாகும் தளபதி 67, விக்ரம் படத்தின் சீக்வெல்லாக இருக்கும் என்பதால் ஃபஹத் அவ்வாறு கூறியுள்ளார். விக்ரம் படத்தில் அமர் என்ற ஸ்பை கேரக்டரில் நடித்த ஃபஹத், இறுதியாக கமலின் கோஸ்ட் டீமில் இணைவதாக முடிந்திருந்தது. அதனால் அவரும் தளபதி 67 படத்தில் நடிக்க வாய்ப்புள்ளது. ஏற்கனவே இதுகுறித்து செய்திகள் வெளியாகி வந்த நிலையில், தற்போது ஃபஹத் பாசிலே அப்டேட் கொடுத்துள்ளது, தளபதி 67 மீதான எதிர்பார்ப்பை எகிற வைத்துள்ளது.