பீஸ்ட் படக்குழு மீண்டும் ஜார்ஜியா செல்ல இது தான் காரணமா...வெளியான முக்கிய அப்டேட்

மீண்டும் ஜார்ஜியா பயணம்

படத்தின் க்ளைமாக்ஸ் ஆக்ஷன் காட்சிகளை எடுக்க பீஸ்ட் படக்குழு ரஷ்யா செல்ல உள்ளதாக முதலில் கூறப்பட்டு வந்தது. ஆனால் லேட்டஸ்ட் தகவலின்படி, க்ளைமாக்ஸ் காட்சிகளை எடுக்க மீண்டும் ஜார்ஜியா செல்ல உள்ளதாம் படக்குழு. இங்கு முக்கிய காட்சிகள் படமாக்கப்பட உள்ளதாம்.

பாதியில் திரும்பியதா படக்குழு

முதல்கட்ட ஷுட்டிங்கை ஜார்ஜியாவில் நடந்து கொண்டிருக்கையில் அங்கு கொரோனா அதிகரித்ததால் தான் பாதியிலேயே ஷுட்டிங்கை முடித்துக் கொண்டு படக்குழு திரும்பி வந்து விட்டதாம். அப்போது எடுக்க திட்டமிட்டு, விட்டுப் போன காட்சிகளை எடுக்கவே மீண்டும் ஜார்ஜியா செல்வதாக சில தகவல்கள் தெரிவிக்கின்றன. அதே சமயம், மீண்டும் கொரோனா பரவல் அதிகரித்திருப்பதால் ரஷ்யாவில் எடுக்கப்பட வேண்டிய காட்சிகளை தான் தற்போது ஜார்ஜியாவில் எடுக்க போவதாகவும் சில தகவல்கள் தெரிவிக்கின்றன.

இது தான் காரணமா

இதில் மற்றொரு சுவாரஸ்ய தகவல் என்னவென்றால் முந்தைய கட்ட ஷுட்டிங்களை விட மிக இளமையான தோற்றத்திற்கு விஜய் மாற போகிறாராம். இந்த காட்சிகளை படமாக்க தான் படக்குழு ஜார்ஜியா செல்கிறதாம். இந்த படத்தில் விஜய் துப்பறியும் ஏஜென்ட் ரோலில் நடிக்கிறாராம்.

ஒளிபதிவாளர் தந்த அப்டேட்

த்ரில்லர் பிளாக் காமெடி படமாக உருவாகி வரும் பீஸ்ட் படத்தின் 80 சதவீதம் படப்பிடிப்புக்கள் முடிந்து விட்டதாம். இந்த தகவலை படத்தின் ஒளிப்பதிவாளர் மனோஜ் பரமஹம்சா உறுதி செய்துள்ளார். அவர் தனது இன்ஸ்டாகிராமில், பீஸ்ட் படத்தில் முக்கிய காட்சிகளை எடுக்க அட்வான்ஸ்ட் ரக லேட்டஸ்ட் கேமிராக்களை வாங்கி உள்ளதாக தெரிவித்துள்ளார்.

லேட்டஸ்ட் கேமிரா

இந்த கேமிராவின் சில ஃபோட்டோக்களை பகிர்ந்துள்ள மனோஜ் பரமஹன்சா, சில சேசிங் சீன்கள், ரேஸ் சீன்களை எடுப்பதற்காக ஹெல்மெட்டில் பொருந்தும் வகையிலான கேமிரா, சைக்கிளின் முன்பகுதியில் பொருந்தும் கேமிராக்கள் பயன்படுத்தப்பட்டுள்ளதாம்.

பீஸ்ட் ரிலீஸ் எப்போ

2022 ம் ஆண்டின் கோடை விடுமுறையில் பீஸ்ட் படத்தை தியேட்டரில் பிரம்மாண்டமாக ரிலீஸ் செய்ய படக்குழு திட்டமிட்டுள்ளதாக கூறப்படுகிறதாம். பீஸ்ட் படத்தை முடித்த பிறகு விஜய் தனது அடுத்த படத்தின் வேலைகளை துவக்க போகிறாராம். டைரக்டர் வம்சி இயக்கும் தெலுங்கு - தமிழில் உருவாகும் தளபதி 66 படம் 2022 ஜனவரி மாதத்திற்கு பின் துவங்கப்படலாம் என கூறப்படுகிறது.