'நடிகன்னா உனக்கு ஓட்டு போட்ருவாங்களா..?' - அதிர்வைக் கிளப்பும் 'ஆர்.கே நகர்' டீசர்!

ஆர்.கே.நகர் டீசர்

'ஆர்.கே.நகர்' படத்தில் சர்ச்சையைக் கிளப்பும் அரசியல் வசனங்கள் இடம்பெற்றிருக்கின்றன. இந்தப் படத்திற்கு ப்ரேம்ஜி அமரன் இசையமைத்துள்ளார். வெங்கட்பிரபுவின் அப்பா கங்கை அமரனும் பாடல்கள் எழுதியிருக்கிறார்.

நடிகன்னா உனக்கு ஓட்டு போட்ருவாங்களா

'நடிகன்னா உனக்கு ஓட்டு போட்ருவாங்களா..? எம்.ஜி.ஆரா நீ..?' என வெங்கட் பிரபு தயாரித்துள்ள ஆர்.கே.நகர் படத்தின் டீஸரில் வரும் வசனம் மறைமுகமாக நடிகர் கமல்ஹாசனை பெயர் குறிப்பிடாமல் கலாய்க்கும் விதத்தில் இருப்பதாக பலரும் கூறி வருகின்றனர். இது அரசியலில் ஆர்வமாக இருக்கும் விஜய் போன்ற நடிகர்களையும் குறிப்பிடுகிறது எனவும் கூறிவருகிறார்கள்.

பஞ்சாயத்து

இந்நிலையில் இதுபற்றி கயல் பட நடிகர் சந்திரன் ட்விட்டரில் வெங்கட் பிரபுவிடம் வாக்குவாதத்தில் இறங்கினார். 'உங்களிடம் இருந்து இதை எதிர்பார்க்கவில்லை' என அவர் வெங்கட்பிரபுவிடம் தெரிவித்திருக்கிறார்.

சரிக்கட்டுறதுக்கு வாழ்த்தா

கமல்ஹாசனுக்கு வெங்கட் பிரபு பிறந்தநாள் வாழ்த்து சொன்னதையும் விமர்சித்துள்ளார். 'ஒரு பக்கம் RK நகர் டீசர், அதை சரிக்கட்ட பிறந்தநாள் வாழ்த்தா?' என சந்திரன் கேட்டுள்ளார்.