அட இவருமா... மனைவியுடன் சேர்ந்து டைரக்டர் அட்லீ செய்த காரியத்தை பார்த்தீங்களா ?

ஷாருக்கானை இயக்கும் அட்லீ

கோலிவுட்டில் விஜய்யுடன் இணைந்து வரிசையாக பிளாக் பஸ்டர் ஹிட் படங்களை கொடுத்த அட்லீ, தற்போது பாலிவுட் பக்கம் சென்றுள்ளார். முதல் படத்திலேயே ஷாருக்கானை இயக்கி வருகிறார் அட்லீ. இந்த படத்தின் ஷுட்டிங் மும்பையில் விறுவிறுப்பாக நடந்து வந்த நிலையில், ஷாருக்கானின் மகன் ஆரியான் போதை வழக்கில் கைது செய்யப்பட்டதால் படப்பிடிப்பு பாதியில் நிறுத்தப்பட்டது. இந்த பிரச்சனை ஒரு வழியாக சரியாகி வரும் நிலையில் இந்த படத்தில் இருந்து நயன்தாரா விலகியதாக கூறப்பட்டது.

சர்ச்சையில் சிக்கிய அட்லீ மனைவி

முதல் படமான ராஜா ராணி வெற்றி பெற்றதுமே தனது நீண்ட நாள் காதலியும் நடிகையுமான பிரியாவை திருமணம் செய்து கொண்டார் அட்லீ. திருமணத்திற்கு பிறகு அடிக்கடி கணவர் உடனான ரொமான்டிக் போட்டோக்களை வெளியிடுவதை வழக்கமாக கொண்டுள்ளார் பிரியா. அப்படி படுக்கை அறையில் இருக்கும் போட்டோ ஒன்றை சமீபத்தில் இன்ஸ்டாகிராமில் பகிர்ந்து சர்ச்சையில் சிக்கிக் கொண்டார் பிரியா.

அட இவருமா...வேற லெவல் தான்

இருந்தாலும் கணவருடன் பார்க்கில் டைட்டானிக் ரோஸ் ரேஞ்ஜிற்கு நுனி விரலில் நின்ற அழகிய போட்டோக்களை வெளியிட்டு, தனக்குள் டான்ஸ் திறமை இருப்பதாக கேப்ஷன் பதிவிட்டிருந்தர். இந்நிலையில் மனைவி பிரியாவை தொடர்ந்து அட்லீ, வீடியோ ஒன்றை இன்ஸ்டாகிராமில் பகிர்ந்துள்ளார். மனைவியுடன் சேர்ந்து பீஸ்ட் அரபிக்குத்து பாடலுக்கு வேற லெவல் ஆட்டம் போட்டுள்ளார் அட்லீ. இதை பார்த்து அட இவருமா...இவரா இவ்வளவு சூப்பராக டான்ஸ் ஆடுகிறார். இவ்வளவு நாள் இது தெரியாம போச்சே என ரசிகர்கள் ஆச்சரியப்பட்டு கமெண்ட் செய்து வருகின்றனர்.

தளபதி 67 டைரக்டர் இவரா

விஜய்யை வைத்து மூன்று ஹிட் படங்களை கொடுத்த அட்லீ, விஜய்யின் அடுத்த படமான தளபதி 67 படத்தையும் இயக்க போவதாக கோலிவுட்டில் அரசல் புரசலாக பேச்சு அடிபடுகிறது. இந்நிலையில் விஜய்யின் பீஸ்ட் பட பாடலுக்கு மற்ற பிரபலங்களை போல் அட்லீயும் ஆடி அசத்தியதுடன், வீடியோவையும் சோஷியல் மீடியாவில் பகிர்ந்துள்ளார். இந்த வீடியோவிற்கு லைக்குகள் குவிந்து வருகிறது.