ஜேம்ஸ் கேமரூனுக்கும் ஸ்பீல்பெர்க்குக்கும் தான் போட்டியே.. ஆஸ்கர் நாமினேஷனில் அவதார் 2 ஆதிக்கம்!

ஜேம்ஸ் கேமரூனின் அவதார் 2

2009ல் வெளியான அவதார் படம் உலகின் நம்பர் ஒன் வசூல் படமாக மாறிய நிலையில், அவதார் 2 திரைப்படம் 13 ஆண்டுகளுக்கு பின்னர் வெளியான நிலையில், மிகப்பெரிய வசூல் வேட்டை செய்தது மட்டுமின்றி ஆஸ்கர் போட்டியிலும் ஆதிக்கம் செலுத்தி உள்ளது. சிறந்த திரைப்படம், சிறந்த விஷுவல் எஃபெக்ட்ஸ், சிறந்த தயாரிப்பு, சிறந்த ஒலி உள்ளிட்ட பிரிவுகளில் தேர்வாகி உள்ளது.

ஸ்டீபன் ஸ்பீல்பெர்க்கின் தி ஃபேபல்மேன்ஸ்

எனக்கும் எங்க மாமா ஸ்டீபன் ஸ்பீல்பெர்க்குக்கும் தான் போட்டியே என ஜேம்ஸ் கேமரூனும் ஸ்டீபன் ஸ்பீல் பெர்க்கும் இந்த முறை பல பிரிவுகளில் தங்கள் படங்கள் மூலம் போட்டி போடுகின்றனர். சிறந்த இயக்குநர் பிரிவில் ஜேம்ஸ் கேமரூன் இடம்பெறாத நிலையில், ஸ்டீபன் ஸ்பீல்பெர்க் The Fabelmans படத்திற்காக இடம்பெற்று கெத்துக் காட்டி உள்ளார். சிறந்த திரைப்படம், சிறந்த இயக்கம், சிறந்த நடிகை, சிறந்த துணை நடிகர், சிறந்த திரைக்கதை, சிறந்த தயாரிப்பு உள்ளிட்ட பல பிரிவுகளில் இந்த படம் தேர்வாகி உள்ளது.

டாம் க்ரூஸின் டாப்கன்

டாப்கன் மேவரிக் படம் மூலம் கடந்த ஆண்டு பாக்ஸ் ஆபிஸில் மிகப்பெரிய சாதனையை உலகளவில் நிகழ்த்திய நடிகர் டாம் க்ரூஸ் ஆஸ்கர் போட்டியிலும் கடும் போட்டியை கொடுத்துள்ளார். சிறந்த படம், சிறந்த திரைக்கதை, சிறந்த எடிட்டிங், சிறந்த இசை, சிறந்த ஒலி, சிறந்த விஷுவல் எஃபெக்ட்ஸ் உள்ளிட்ட பல பிரிவுகளின் கீழ் டாப்கன் மேவரிக் இடம் பிடித்துள்ளது.

பேட்மேன் அசத்தல்

டிசி காமிக்ஸ் திரைப்படமான பேட்மேன் திரைப்படமும் குறிப்பிட்ட பிரிவுகளில் ஆஸ்கர் போட்டிக்கு நாமினேட் ஆகி அசத்தி உள்ளது. மேலும், வக்காண்டா ஃபாரெவர், எல்விஸ் உள்ளிட்ட படங்களும் ஆஸ்கர் போட்டியில் பல பிரிவுகளில் தேர்வாகி உள்ளது. ஆஸ்கர் விருதுகளை இதில் எந்த படம் வெல்லப் போகுது என்பதை மார்ச் மாதம் அறிந்து கொள்ளலாம்.