திருமணமாகி 6 மாசம் தானே ஆச்சு.. அதுக்குள்ள கத்ரீனா கைஃப் கர்ப்பமா ? கணவர் கொடுத்த விளக்கம்!

கத்ரினா கைஃப்

கத்ரினாவும் விக்கி கௌஷலும் காதலித்து வந்ததாக கூறப்பட்ட நிலையில், கடந்த ஆண்டு டிசம்பர் மாதம் இருவருக்கும் கோலாகலமான திருமணம் நடந்து முடிந்தது. பாலிவுட்டில் அறிமுகமாகி சில ஆண்டுகளே ஆன விக்கி கௌஷலை யாருக்கும் தெரியாமல் ரகசியமாக காதலித்து திருமணம் செய்து கொண்டார் கத்ரீனா.

கத்ரினா, விக்கி கௌஷல்

இவர்கள் இருவரும் காதலிக்கிறார்கள் என்ற தகவல் எந்த கிசுகிசு போல கூட எங்கேயும் வெளியாகவில்லை. ஒன்றாக இருக்கும் புகைப்படமோ, செய்தியோ எதுவுமே வெளிவரவில்லை. அதேபோல இவர்கள் திருமணம் செய்யப் போகிறார்கள் என்று செய்தி வெளிவந்த போது அனைவரும் ஆச்சரியம் அடைந்தனர். அது மட்டுமின்றி, திருமண விஷயத்தையும் மிகவும் பிரைவேட்டாக வைத்திருந்தனர்.

கோலாகலமாக நடந்த திருமணம்

ஜெய்பூர் சவாய் மாதோபூரில் உள்ள சிக்ஸ் சென்ஸ் சொகுசு ஹோட்டலில் மிகவும் கோலாகலமாக நடந்த இவர்களின் திருமண நிகழ்ச்சியில் ஏராளமான திரைப்பிரபலங்கள் கலந்து கொண்டனர். இவர்களின் திருமணத்தால் ஜெய்பூரே திணறியது என்று சொல்லும் அளவுக்கு பிரம்மாண்டமாக திருமணம் நடைபெற்றது.

கத்ரினா கைஃப் கர்ப்பமா?

இந்நிலையில் கத்ரினா கைஃப் கர்ப்பமாக இருக்கிறார் என்ற செய்தி இணையத்தில் பரவி பரபரப்பை ஏற்படுத்தியுள்ளது. இதுகுறித்து கத்ரினா கைஃபின் கணவர் தரப்பில் இருந்து ஒரு தகவல் வெளியாகியுள்ளது. அதில், குழந்தை பெற்றுக்கொள்ளும் எண்ணம் இப்போதைக்கு இல்லை, நாங்கள் இருவரும் படங்களில் நடிப்பதையும், கதை தேர்விலும் கவனம் செலுத்தி வருகிறோம்.

வதந்திக்கு முற்றுப்புள்ளி

எங்களது திருமண வாழ்க்கையை தற்போது சந்தோஷமாக சென்று கொண்டு இருக்கிறது. தயவு செய்த வதந்திகளை பரப்பாதீர்கள் என்று கூறி வதந்திக்கு முற்றுப்புள்ளி வைத்துள்ளார் விக்கி கெளசல். நடிகர் கத்ரினா கைஃப் மெர்ரி கிறிஸ்துமஸ் என்ற இந்தி படத்தில் விஜய் சேதுபதிக்கு ஜோடியாக நடித்து வருகிறார். கிரைம் திரில்லராக உருவாகிவரும் இத்திரைப்படம் இந்த ஆண்டு கிறிஸ்துமஸ் தினத்தில் வெளியிட படக்குழு திட்டமிட்டுள்ளது.