தமாஸ் ஹீரோ மீது செம கடுப்பில் இருக்கும் விநியோகஸ்தர்.. இப்படி நம்ப வச்சு ஏமாத்திட்டாராம்!

டாப் ஹீரோ அந்தஸ்த்து

அந்த தமாஸ் ஹீரோவுக்கு டாப் ஹீரோ அந்தஸ்த்தை எல்லாம் கொடுத்து உச்சாணிக் கொம்பில் ஏற்றி வைத்தால், கொஞ்சம் கூட பொறுப்பில்லாமல் இப்படியா பண்டிகை ரிலீஸ் தேதியை வீணடிப்பார் என பல கோடி போட்டு படத்தை வாங்கிய விநியோகஸ்தர் கடுப்பில் கத்தியே விட்டாராம். நீங்க தான அந்த நடிகருக்கு அப்படியொரு பில்டப் கொடுத்தீங்க இப்போ பார்த்தீங்களா என அவருக்கு நெருக்கமாக இருக்கும் நண்பர்களே உசுப்பேற்றி விட்டுள்ளனர் எனக் கூறுகின்றனர்.

பலத்த நஷ்டம்

சுமார் 25 கோடிக்கும் மேல் பணத்தை கொடுத்து அந்த படத்தை வாங்கி வெளியிட்டுள்ளார் அந்த பிரபல விநியோகஸ்தர். ஆனால், அதில், பாதி கூட வசூல் செய்யாது என்கிற அதிரடி ரிப்போர்ட் வந்தது தான் மனுஷனை அதிர்ச்சியில் ஆழ்த்தி விட்டதாம். மக்கள் எப்படியோ வேற ஆப்ஷன் இல்லாமல் வந்து விடுவார்கள் என நினைத்த நிலையில், யாருமே தியேட்டர் பக்கம் பெரிதாக வராததை பார்த்து ஷாக் ஆகிவிட்டாராம் அந்த விநியோகஸ்தர்.

மோசமான விமர்சனம்

இப்போதெல்லாம் படத்தை பார்ப்பதற்கு முன்னர் விமர்சனத்தை மக்கள் தங்களின் கைப்பேசி மூலம் பார்த்து விட்டுத் தான் டிக்கெட்டே புக் பண்ணுகின்றனர் என்பதை புரிந்து கொள்ளாமல், சில நெட்டிசன்கள் போடும் நெகட்டிவ் விமர்சனங்கள் படத்தை பாதிக்காது என படக்குழு நடத்திய மோசடி வேலை இப்போதுதான் அவருக்கு புரிய வந்திருக்கிறதாம்.

நடிகர் மீது அதிருப்தி

நஷ்டம் ஏற்பட்டால் நம்பி பணத்தை போட்டவர்களுக்கு நடிகர்கள் தான் இழப்பீடு வழங்க வேண்டும் என்கிற வழக்கத்தை சில முன்னணி நடிகர்கள் கடைபிடித்து வரும் நிலையில், முன்னணி நடிகர் என ஃபிலிம் காட்டி வரும் அந்த தமாஸ் ஹீரோ மட்டும் தயாரிப்பாளரையும் இயக்குநரையும் கை காட்டி வருவதால் நடிகர் மீது ரொம்பவே அதிருப்தி அடைந்துள்ளார் அந்த விநியோகஸ்தர் என ஒரே பரபரப்பு பேச்சுக்கள் ஓடிக் கொண்டிருக்கிறது.

பிசினஸ் ஆகுமா

இந்த படம் சொதப்பிய நிலையில், அந்த தமாஸ் ஹீரோ நடிப்பில் அடுத்து உருவகி வரும் படத்திற்கும் பலத்த அடி கன்ஃபார்ம் என்று பேச்சுக்கள் எழுந்துள்ளன. மேலும், முன்னணி விநியோகஸ்தர்கள் எல்லாம் நடிகருக்கு பாடம் புகட்ட வேண்டும் என்கிற முனைப்புடன் அந்த தேதியில் வேறு நடிகர்கள் படம் வெளியானால் அதற்கு முன்னுரிமை கொடுக்கலாம் என்கிற முடிவுக்கே வந்து விட்டதாகவும் கூறப்படுகிறது.