20 வருஷமா நீங்க தான் என் க்ரஷ்.. படு ரொமான்ஸாய் ட்வீட் போட்ட ரசிகை.. மாதவனின் பதில் என்ன தெரியுமா?

துப்பட்டாக்கள் பறக்க

சீ ஹாக்ஸ் உள்ளிட்ட இந்தி சீரியல்களில் நடித்து வந்த மாதவனை அலைபாயுதே படத்தின் மூலம் ஹீரோவாக அறிமுகப்படுத்தினார் இயக்குநர் மணிரத்னம். அந்த படத்திற்கு அப்போது இருந்த விமர்சகர்கள் கலவையான விமர்சனங்களை கொடுக்க, திரும்பவும் மும்பைக்கே கிளம்பி விடலாம் என எண்ணிய மாதவனை தியேட்டர்களில் துப்பட்டாக்களை பறக்க விட்டு இளம் பெண்கள் கொடுத்த வரவேற்பு உற்சாகப்படுத்தியது.

ட்ரீம் பாய்

சாக்லேட் பாய் என்றும் ட்ரீம் பாய் என்றும் மாதவனை சொல்லலாம். நவரச நாயகன் கார்த்தி போல மாப்பிள்ளை வேண்டும், கமல் போல மாப்பிள்ளை வேண்டும் என்று பார்த்திருந்தவர்கள், மாதவன் வருகைக்கு பிறகு மாதவன் போல மாப்பிள்ளையை தேட ஆரம்பித்து விட்டனர். வயதுக்கு வந்த மகன் இருந்தாலும், முடி நரைத்துப் போனாலும், ஏகப்பட்ட இளம் பெண்களின் கனவுக் கண்ணனாக இப்போதும் மாதவன் இருக்கிறார்.

மாதவனின் மாறா

சைலன்ஸ் திரைப்படத்தில் வில்லனாக மிரட்டல் நடிப்பை வெளிப்படுத்திய மாதவன், வரும் ஜனவரி 8ம் தேதி மாறா படத்தின் மூலம் மீண்டும் பெண் ரசிகைகளை வெகுவாக கவர காத்து இருக்கிறார். வலி மிகுந்த வாழ்க்கையில், வாழ எத்தனையோ வழிகள் இருக்கின்றன என்பதை ரொம்பவே ஈஸியாக சொல்லும் படமாகவே மாறா உருவாகி உள்ளது.

20 ஆண்டுகளாக க்ரஷ்

4 மாதங்களாக ஒருவர் மீது க்ரஷ் இருந்தால், அதற்கு பெயர் க்ரஷ் அல்ல, காதல் என நெட்டிசன் ஒருவர் பதிவிட்ட ட்வீட்டுக்கு கீழே, மாதவனின் ரசிகையான வெண்ணிலா என்பவர், எனக்கு 20 ஆண்டுகளாக நடிகர் மாதவன் மேல் க்ரஷ் இருக்கு என வேற லெவல் ரிப்ளை போட்டது வைரலாகி, மாதவனின் பார்வைக்கும் சென்றுள்ளது.

மாதவன் பதில் என்ன?

அந்த ரசிகையின் ட்வீட்டை பார்த்த மாதவன் வீட்டில் மனைவியிடம் அடி வாங்கக்கூடாது என்பதற்காக, உஷாராக "யப்பா" என போட்டு தப்பித்துக் கொண்டது செம வைரலாகி வருகிறது. வெண்ணிலாவுக்கே போட்டியாக டிடியில் ராஜ்கஹானி சீரியலில் இருந்தே நாங்க மாதவனின் க்ரஷ்ஷாக்கும் என இன்னொரு ரசிகையும் கமெண்ட் செய்துள்ளார்.

ரத்தன் டாட்டாவாக

விண்வெளி ஆராய்ச்சியாளர் நம்பி நாராயணனின் வாழ்க்கை வரலாறு படத்தை ராக்கெட்ரி என்கிற பெயரில் இயக்கி நடித்து வருகிறார் மாதவன். மாறா படத்தை அடுத்து அந்த படம் ரிலீசாக காத்திருக்கிறது. இந்நிலையில், அடுத்ததாக ரத்தன் டாட்டாவின் பயோபிக்கில் மாதவன் நடிக்கப் போவதாக வெளியான ஃபேன் மேட் போஸ்டருக்கு இல்லை என மறுப்பு தெரிவித்து இருந்தார் மாதவன் என்பது குறிப்பிடத்தக்கது.