"தல" இப்போ டாக்ஸி டிரைவர்!

சென்னை: நிஜ மெக்கானிக் ஆன நம்ம தல இப்போ நடிக்கிற புதிய படத்துல டாக்ஸி டிரைவரா நடிக்கிறாராம்.

சிறுத்தை சிவா இயக்கத்தில் அஜித் நடித்து வரும் படத்தின் படப் பிடிப்பு மே மாதம் 7ம் தேதி தொடங்கி இடைவிடாமல் நடந்து வருகிறது.

இந்த படத்திலும் சால்ட் அண்ட் பேப்பர் லுக்கா என்று ரசிகர்கள் ஏமாற்றமடைந்தாலும் இந்த படத்தில் அஜித் டாக்ஸி டிரைவராக வருவது ரசிகர்களுக்கு புதிய செய்தியே.

கதைப்படி கொல்கத்தாவில் டாக்ஸி ஓட்டுபவராக அஜித்தும், அவரது தங்கையாக லட்சுமி மேனனும் வருகிறார்கள். படக் காட்சிகளை வைத்துப் பார்க்கும் போது இது அஜித் - லட்சுமி மேனனின் " பாசமலர் " போன்று தோன்றுகிறது.

பாட்ஷா படத்தைப் போன்று கதை உள்ளது என்று பேச்சுக்கள் எழுந்த போதிலும் அதைப் பற்றி கவலைப்படாமல் படத்தை மும்முரமாக எடுத்துக் கொண்டிருக்கிறார் சிறுத்தை சிவா.

தொடர்ந்து தலய வச்சி பாசமலர் படமாவே எடுக்கறிங்களே சிவா...!