என்னால எல்லாம் ரஜினி மாதிரி முடியாது: தனுஷ்

சென்னை: எந்திரன் கதாபாத்திரம் போல் கிடைத்தால் நடிப்பீர்களா என்று தனுஷிடம் கேட்டதற்கு அது ரஜினிகாந்தால் மட்டும் தான் முடியும் என்றார்.

எந்திரன் படத்தில் சூப்பர் ஸ்டார் விஞ்ஞானியாகவும், ரோபோவாகவும் வந்து கலக்கியிருந்தார். ரோபோவான எந்திரன் ஐஸ்வர்யா மீது காதல் கொள்ளும் காட்சிகள் அனைவரையும் கவர்ந்தன. இந்நிலையில் எந்திரன் கதாபாத்திரம் போல் அமைந்தால் அதில் நடிப்பீர்களா என்று ரஜினிகாந்தின் மருமகனான தனுஷிடம் கேட்டதற்கு அவர் கூறுகையில்,

எந்திரன் போன்ற கதாபாத்திரம் எல்லாம் சூப்பர் ஸ்டாராக இருப்பவர்களால் தான் முடியும். ரஜினி தான் அந்த கதாபாத்திரத்திற்கு பொருத்தமானவர். அது போன்ற கதாபாத்திரத்தில் என்னால் நடிக்க முடியும் என்று எனக்கு தோன்றவில்லை என்றார்.

ஆடுகளம் படத்திற்காக தேசிய விருது பெற்ற தனுஷ் தற்போது மாரியான் மற்றும் ராஜ்னாஹா ஆகிய படங்களில் நடித்து வருகிறார்.