ஜவுளிக்கடை விளம்பரப்படத்தில் நடிக்கும் கமல்…

நடிக்க மறுத்த கமல்

கமல் விளம்பரத்தில் நடிக்கப் போவதாக சில ஆண்டுகளுக்கு முன்பே செய்திகள் வெளியானது. ஆனால் விளம்பர நிறுவனங்கள் கேட்டும் கமல் மறுத்து விட்டாராம். வர்த்தக விளம்பரங்களில் நடிப்பதை

தவிர்த்து வந்த கமல் மாறாக விழிப்புணர்வு விளம்பரங்களில் மட்டுமே நடித்திருக்கிறார்.

ஜவுளிக்கடை விளம்பரம்

இந்நிலையில், முதன்முறையாக ஜவுளிக் கடை விளம்பரம் ஒன்றில் நடிக்க சம்மதம் தெரிவித்திருக்கிறார் கமல். இதற்கான படப்பிடிப்பு வரும் வாரம் நடைபெற இருக்கிறது.

கிருஷ்ணா இயக்கத்தில்

இந்த விளம்பரப் படத்தை கிருஷ்ணா இயக்கவிருக்கிறார். ஃபைவ் ஸ்டார், ஆட்டோகிராப், அறிந்தும் அறியாமலும் உள்பட 40-க்கும் மேற்பட்ட படங்களில் நடித்த கிருஷ்ணாதான் முதன் முறையாக கமல் நடிக்கும் விளம்பரப்படங்களில் இயக்க இருக்கிறார் என்பது குறிப்பிடத்தக்கது.

கமல் ரசிகர்கள்

தமிழ் சினிமா உலகின் பல நடிகர்கள் தற்போது வேஷ்டி, பனியன் விளம்பரங்களில் நடிக்கின்றனர். நடிகர் சத்யராஜ், பார்த்திபன் ஆகியோர் ஜவுளிக்கடை விளம்பரங்களிலும் நடித்து வருகின்றனர்.

நடிகர் கமல் இனி ஜவுளிக்கடை விளம்பரத்தில் நடிக்க உள்ளதாக தகவல் வெளியாகியுள்ளதால் அவரது ரசிகர்கள் இனி விளம்பரங்களிலும் கமல்ஹாசனை காணலாம்.