தொடர்ந்து 7 வெற்றிகள்... 'நேரம்' ஹீரோவுக்கு கைகொடுக்கும் நேரம்!

திருவனந்தபுரம்: அப்படி என்ன வசியம் இருக்கிறது என்று தெரியவில்லை தொடர்ந்து நடித்த 7 படங்களும் ஹிட்டடித்து இந்த ஹீரோவின் மார்க்கெட்டை உச்சத்தில் உயர்த்தி விட்டுள்ளது.

நேரம் படத்தின் ஹீரோ நிவின் பாலியின் படங்களில் அப்படி என்ன இருக்கிறதோ கூட்டம் கூட்டமாக இளைஞர்கள் தியேட்டர்களுக்கு படையெடுத்து விடுகின்றனர். நேரம் படத்தின் ஹீரோ நிவின் பாலி தற்போது மலையாள திரை உலகின் முன்னணி ஹீரோவாக உயர்ந்து விட்டார்.

கடந்த வருடம் 4 படங்கள் வெளியாகி வெற்றி பெற்றது. இந்த வருடம் இதுவரை நிவின் நடித்து வெளிவந்த3 படங்களுமே தொடர்ந்து வெற்றி பெற்று ஹாட்ரிக் வெற்றியை நிவினுக்கு பரிசளித்து இருக்கிறது. ஆக மொத்தம் 7 படங்கள் வெற்றி பெற்று உள்ளதால் நிவினின் சம்பளம் கணிசமாக உயரும் என்று கூறுகிறார்கள். நிவின் இதுவரை ஒரு படத்திற்கு 45-50 லட்சம் வரை சம்பளம் வாங்குகிறார் என்று மலையாள திரையுலகில் கிசுகிசுக்கிறார்கள்.

தற்போது அடைந்துள்ள வெற்றிகள் மூலம் மேலும் நிவின் தனது சம்பளத்தை மேலும் அதிகரிக்கலாம் என்று தகவல்கள் வெளியாகியுள்ளன. நிவின் சம்பளத்தை அதிகரிக்கா விட்டாலும், இந்தத் தயாரிப்பாளர்கள் அவர் கேட்காமலேயே சம்பளத்தை உயர்த்தத் தயாராக உள்ளனர்.

ஏனெனில் கடந்த வாரம் நிவினின் நடிப்பில் வெளிவந்த பிரேமம் திரைப்படம் இதுவரை வெளியான ஒரு வாரத்திலேயே சுமார் 10.3 கோடியை வசூலில் குவித்து பெங்களூர் டேஸ் மற்றும் திரிஷ்யம் படங்களின் வசூலைப் பின்னுக்குத் தள்ளி விட்டது. இது ஒன்று பத்தாதா நிவினின் சம்பளம் உயர்வதற்கு?

தமிழ் சினிமாவில இந்த மாதிரி நடந்திருந்தா சம்பளமா பல கோடிகள் கேட்டிருப்பாங்க......