'கபாலி'யில் தர்மதுரை கெட்டப்பில் வருகிறார் ரஜினி?

கபாலி படத்தில் ரஜினியின் கெட்அப் எப்படி இருக்கும்? ரசிகர்களின் மில்லியன் டாலர் கேள்வி இது. வலையுலகிலும் திரையுலகிலும் இதே பேச்சாக இருக்கிறது.

ரசிகர்கள் ரஜினியின் தோற்றம் இப்படித்தான் இருக்கக் கூடும் என்று கற்பனை செய்து அதற்கு ஒரு வடிவமும் கொடுத்து உலவவிட்டுக் கொண்டிருக்கிறார்கள்.

இந்த நிலையில் 20 ஆண்டுகளுக்கு முன் வந்த தர்மதுரை படத்தின் ஆரம்ப மற்றும் இறுதிக் காட்சிகளில் வருவது போலத்தான் இந்தப் படத்தில் ரஜினி தோன்றப் போகிறார் என செய்திகள் கசிந்துள்ளன.

இந்தப் படத்திலும் ரஜினிக்கு ஒப்பனையாளராகப் பணியாற்றப் போவது பானுதான். சிவாஜி, எந்திரனில் ரஜினியை அவரது ஆரம்ப கால தோற்றத்தில் காட்டி ரசிகர்களைப் பரவசப்படுத்தியதில் பானுவுக்கும் ஒரு பங்கு உண்டு என்பது நினைவிருக்கலாம்!

ரஞ்சித் இயக்கும் இந்தப் படத்தின் முதல் தோற்ற போஸ்டர் வரும் செப்டம் 17-ம் தேதி வெளியாகவிருக்கிறது .