எரவாடா சிறைக் கைதிகளுடன் ‘லுங்கி’ டான்ஸ் ஆடும் சஞ்சய்தத்

சிறைக்கைதிகளின் சிறப்பு நிகழ்ச்சி...

இம்மாதம் 26ம் தேதி, சிறைக் கைதிகளை வைத்து சிறப்பு நிகழ்ச்சி ஒன்றிற்கு ஏற்பாடு செய்துள்ளனர் எரவாடா சிறை அலுவலகர்கள். இந்நிகழ்ச்சி மும்பையில் உள்ள அரங்கம் ஒன்றில் நடைபெற உள்ளது.

பார்வையாளர்களை அசத்த திட்டம்...

இந்த சிறப்பு நிகழ்ச்சியில் கைதிகளின் நடனம், பாடல் மற்றும் மௌன மொழி நாடகம் என பல பிரிவுகளில் பார்வையாளர்களை அசத்த திட்டமிட்டுள்ளனர் சிறைக்கைதிகள்.

கலை நிகழ்ச்சியில் சஞ்சய்....

மும்பை குண்டு வெடிப்பு வழக்கில் கைதாகி தற்போது எரவாடா சிறையில் இருக்கும் நடிகர் சஞ்சய் தத்தும் இந்த நிகழ்ச்சியில் பங்கு கொள்ள இருக்கிறார். சஞ்சயுடன் சேர்த்து 50 கைதிகள் இந்தக் கலை நிகழ்ச்சியில் பங்கேற்க இருக்கிறார்கள்.

சஞ்சயின் ‘லுங்கி டான்ஸ்....

இந்த கலை நிகழ்ச்சியில் சஞ்சய், சென்னை எக்ஸ்பிரஸ் படத்தில் வரும் ‘லுங்கி டான்ஸ்' பாடலுக்கு நடனமாட இருக்கிறாராம்.

முக்கிய நிகழ்ச்சி...

இந்த நடனமே கலை நிகழ்ச்சியின் முக்கிய அம்சமாக பார்வையாளர்களைக் கவரும் என நிகழ்ச்சி ஒருங்கிணைப்பாளர்கள் நம்பிக்கை தெரிவித்துள்ளனர்.

மகாராஷ்டிர கலாச்சாரம்...

கலை நிகழ்ச்சியில் மகாராஷ்டிர கலாச்சாரத்தை பிரதிபலிக்கும் வகையில் நிகழ்ச்சிகளுக்கு முக்கியத்துவம் தர இருக்கிறதாம்.

சிறை வளர்ச்சி நிதி....

நிகழ்ச்சி மூலம் வசூலாகும் பணத்தை சிறையின் வளர்ச்சி நிதியாக பயன் படுத்த இருக்கிறார்களாம். இப்பணத்தின் மூலம் சிறைக் கைதிகள் முக்கிய தேவைகள் நிறை வேற்றி வைக்கப் படும் என சிறை அதிகாரிகள் தெரிவித்துள்ளனர்.

வாழ்த்துக்கள் ரோஹித்....

சிறையிலிருந்து மனைவிக்கும், சில முக்கிய நண்பர்களுக்கும் தொடர்ந்து கடிதம் எழுதி வரும் சஞ்சய், தனது திரை உலக நணபர் ஒருவருக்கு எழுதிய கடிதம் ஒன்றில் சென்னை எக்ஸ்பிரஸ் படத்தின் வெற்றிக்காக அதன் இயக்குநர் ரோஹித் ஷெட்டிக்கு தன் சார்பில் வாழ்த்துகள் தெரிவிக்கும் படி கேட்டுக் கொண்டாராம்.