குஷ்புக்கு என்ன ஆச்சு… திடீரென மருத்துவமனையில் அனுமதி…பதறிய ரசிகர்கள் !

வருஷம் 16

கொண்டையில் தாழம்பூ... கூடையில் வாழைப்பூ... நெஞ்சிலே என்னப்பூ குஷ்பு என்று, 90ஸ் கிட்ஸ்களை ஆட்டம் போடவைத்தவர் குஷ்பு. இவர் தமிழில் வருஷம் 16 படத்தில் அறிமுகமாகி 1990களில் முன்னணி கதாநாயகியாக வலம் வந்தார். ரஜினி, கமல், கார்த்தி, விஜயகாந்த், சத்தியராஜ், சரத்குமார் என ஏகப்பட்ட முன்னணி ஹீரோக்களுடன் ஜோடி போட்டுள்ளார் குஷ்பு.

திருமணம்

1995ம் ஆண்டு ஜெயராம், குஷ்பு, மனோரமா, கவுண்டமணி நடித்த முறைமாமன் படத்தை சுந்தர் சி இயக்கினார். அப்போது குஷ்புவிற்கும், சுந்தர் சிக்கும் இடையே காதல் ஏற்பட்டதால் அவரை திருமணம் செய்து கொண்டார். திருமணத்திற்கு பிறகும் குஷ்பு தொடர்ந்த நடித்து வருகிறார். சுந்தர்சி மற்றும் குஷ்பு தம்பதிகளுக்கு அவந்திகா, அனந்திதா என்று இரண்டு டீன் ஏஜ் மகள்கள் உள்ளனர்.

இணையத்தில் ஆக்டிவாக

சோசியல் மீடியாவில் படு ஆக்டிவாக வலம் வரும் குஷ்பு எப்போதும் தன்னுடைய மகள்கள் மற்றும் கணவருடன் எடுத்துக் கொண்ட புகைப்படங்களை பகிர்ந்து வருகிறார். குஷ்பு கடுமையான உடற்பயிற்சி செய்து கிட்டத்தட்ட 15 கிலோ வரை குறித்து, தற்போது இருக்கும் இளம் நடிகைகளுக்கே டஃப் கொடுக்கும் அளவுக்கு ஸ்மார்ட்டாக மாறினார்.

என்ன ஆச்சு குஷ்புக்கு

இந்நிலையில், நடிகை குஷ்பு தனது இன்ஸ்டாகிராம் பக்கத்தில், கையில் ஊசியுடன் மருத்துவமனையில் இருக்கும் புகைப்படத்தை பதிவிட்டுள்ளார். இந்த புகைப்படத்தை பார்த்த ரசிகர்கள் பதறிப்போய் என்ன ஆச்சு என கேட்டு நலம் விசாரித்து வருகின்றனர். மேலும், அப்பல்லோ மருத்துவர்கள் தன்னை நன்றாக கவனித்துக்கொண்டதாகவும் மற்றொரு பதிவில் குஷ்பு குறிப்பிட்டுள்ளார்.