‘ஃபெமினா மிஸ் இந்தியா தமிழ்நாடு’ பட்டம் வென்ற நடிகை ஷிவானி ராஜசேகர்...அடுத்த டார்கெட் இது தானா?

அட...அவரா இவர்

நடிகை ஷிவானி ராஜசேகர் தமிழ் சினிமாவில், நடிகர் ஹிப்ஹாப் ஆதி நடிப்பில் வெளியான "அன்பறிவு" படத்தில் அறிமுகமானார். அவரது நடிப்பு ரசிகர்களிடமும் விமர்சகர்களிடமும் பரவலான பாராட்டுக்களை பெற்றது. தெலுங்கில் பிரபலமான நடிகையான இவர் பிரபலமான மாடலாகவும் இருந்து வருகிறார். சிறு வயதிலிருந்து நடிக்க வேண்டும் என்ற ஆசையுடன் சினிமாவிற்கு வந்தவர்.

இதெல்லாம் தெரியாம பேச்சே

முறைப்படி நடனம் பயின்றவரான ஷிவானி, 2 ஸ்டேட்ஸ் என்ற இந்தி படத்தின் தெலுங்கு ரீமேக் படத்தின் மூலம் ஹீரோயினாக அறிமுகமானார். முதல் படத்திலேயே, இந்தியில் ஆலியா பட் நடித்த ரோலில் நடித்து அசத்தினார். 27 வயதாகும் இவர் தனது பெயரிலேயே ஷிவானி ஷிவாத்மிகா மூவிஸ் என்ற தயாரிப்பு நிறுவனத்தையும் நடத்தி வருகிறார்.

ஃபெமினா மிஸ் இந்தியா தமிழ்நாடு

தனது தங்கை ஷிவாத்மிகாவுடன் இணைந்து தெலுங்கில் கல்கி உள்ளிட்ட சில படங்களை தயாரிக்கவும் செய்துள்ளார். பிரபல தயாரிப்பாளராகவும் வளர்ந்து வரும் ஷிவானியிடம் தமிழ் மற்றும் தெலுங்கில் சில படங்களில் நடிக்க தொடர்ந்து பேசப்பட்டு வருகிறது. இந்த நிலையில் ஃபெமினா மிஸ் இந்தியா தமிழ்நாடு என்ற பட்டத்தை வென்றுள்ளார் ஷிவானி.

Recommended Video

அரபிக் இசைக்கு சூப்பர் குத்தாட்டம்... அள்ளும் அழகு... குஷியான ரசிகர்கள்!

அடுத்த டார்கெட் இது தானா

தனது அடுத்த இலக்கான மிஸ் இந்தியா போட்டியில் தமிழகம் சார்பில் கலந்துகொள்ள தேர்வு செய்யப்பட்டுள்ளார். ஏப்ரல் 30, 2022 அன்று அவர் ஃபெமினா மிஸ் இந்தியா தமிழ்நாடு என்று அதிகாரப்பூர்வமாக அறிவிக்கப்பட்டார். அதில் அனைவரின் கவனத்தை ஈர்த்த வகையில் இப்போது, அவர் மிஸ் இந்தியா கிரீடத்திற்காக போட்டியிடும் முதல் 31 போட்டியாளர்களில் ஒருவராக போட்டியிடவுள்ளார்.