பல ஆண்டுகளுக்கு பிறகு தமிழில் அமலா... என்ன படம் தெரியுமா?

மைதிலி என்னை காதலி

பரதநாட்டிய கலைஞரான அமலா டி ராஜேந்திரன் இயக்கிய மைதிலி என்னை காதலி திரைப்படத்தின் மூலம் கலைத்துறையில் தனது பயணத்தை தொடங்கினார். அந்த திரைப்படம் நீண்ட நாட்கள் திரையில் ஓடி ஹிட்டடித்தது.

ஹிட் படங்கள்

மைதிலி என்னை காதலி திரைப்படத்தின் வெற்றியைத் தொடர்ந்து, மெல்ல திறந்தது கதவு, பன்னீர் நதிகள், கூட்டு புழுக்கள், வேதம் புதிது, ரஜினிகாந்துடன் வேலைக்காரன், கமலுடன் பேசும் படம், சத்யா, அக்னி நட்சத்திரம் போன்ற திரைப்படங்களில் நடித்துள்ளார்.

முன்னணி நடிகை

80களில் முன்னணி நடிகையாக இருந்த அமலா ரஜினிகாந்த், கமல், சத்யராஜ், ரகுவரன், சிவக்குமார், பிரபு, மோகன் போன்ற முன்னணி நடிகைகளுடன் இணைந்து பல ஹிட் படங்களில் நடித்துள்ளார்.

திருமணம்

தமிழ், தெலுங்கு, மலையாளம், கன்னடம், இந்தி என அனைத்து மொழி படங்களிலும் பிஸியாக நடித்துக்கொண்டு இருக்கும் போதே தெலுங்கு நடிகர் நாகார்ஜூனாவை திருமணம் செய்து கொண்டு நடிப்புக்கு சிறிது ஓய்வு கொடுத்தார். அமலா தமிழில் கடைசியாக நடித்த திரைப்படம் கற்பூர முல்லை திரைப்படமாகும் இந்த திரைப்படத்திற்கு பிறகு அவர் தமிழில் எந்த திரைப்படத்திலும் நடிக்கவில்லை.

அமலா ரீ எண்ட்ரி

இந்நிலையில்தான், 30 வருடங்களுக்கு பிறகு தற்போது டிரீம் வாரியர் பிக்சர்ஸ் தயாரிக்கும் கணம் எனும் திரைப்படத்தின் மூலம் நடிகை அமலா தமிழுக்கு ரீ எண்ட்ரி கொடுக்கிறார். தொடர்ந்து தெலுங்கு படங்களில் நடித்து வந்த அமலா, 6வருடங்களுக்கு முன் மனம் என்ற தெலுங்கு படத்தில் நடித்திருந்தார்.

ஷர்வானந்த் ஹீரோவாக

இந்த படத்தில் நடிகர் ஷர்வானந்த் கதாநாயகனாகவும், ரீதுவர்மா கதாநாயகியாகவும் நடிக்கிறார். நாசர், சதீஷ், ரமேஷ் திலக் ஆகியோரும் முக்கிய கதாபாத்திரத்தில் வருகிறார்கள். இந்த படத்தை ஸ்ரீகார்த்திக் இயக்குகிறார். தயாரிப்பு பணிகளை எஸ்.ஆர்.பிரகாஷ்பாபு மற்றம் எஸ்.ஆர்.பிரபு மேற்கொள்கிறார்கள்.

ஷர்வானந்த்

நடிகர் ஷர்வானந்த் எங்கேயும் எப்போதும் திரைப்படத்தில் நடித்து நம் அனைவருக்கும் பரீச்சியமானவர். தற்போது இவர் மஹா சமுத்திரம் படத்தில் நடித்துள்ளார். இத்திரைப்படத்தின் டிரைலர் சமீபத்தில் வெளியாகி அனைவரின் பாராட்டை பெற்றது.