கணவனை கழட்டி விட்டு… புது காதலருடன் டேட்டிங் போன பிரபல நடிகை !

எமி ஜாக்சன்

தமிழில் பிஸியாக நடித்துக் கொண்டு இருந்த போதே ஹாலிவுட் டிவி தொடரில் நடிக்க வாய்ப்பு கிடைத்ததையடுத்து, தமிழ்ப் படங்களில் நடிப்பதை தவிர்த்துவிட்டு லண்டனில் தனது காதலர் ஜார்ஜ் பனயோட்டோவுடன் செட்டிலானார். லிவ்விங் டூ கெதர் ரிலேஷன்ஷிப்பில் வாழ்ந்து வந்த இந்த காதல் ஜோடிக்கு கடந்த ஆண்டு ஆண்குழந்தை பிறந்தது. இதையடுத்து, இருவரும் திருமணம் செய்து கொண்டனர்.

பெயரை நீக்கினார்

இதையடுத்து, திடீரென எமி ஜாக்சன் தனது இன்ஸ்டாகிராம் பக்கத்திலிருந்து ஜார்ஜ் பனயோட்டோவின் புகைப்படத்தையும், அவரின் பெயரையும் நீக்கினார். இதனால், இவர்கள் இருவரும் பிரிந்து விட்டதாக தகவல் பரபரப்பாக பரவியது. ஆனால், இது குறித்து எமியோ, ஜார்ஜோ எந்த கருத்தையும் தெரிவிக்கவில்லை.

பிரிட்டிஷ் நடிகருடன் காதல்,

இந்நிலையில், எமி ஜாக்சன் பிரிட்டிஷ் நடிகர் எட் வெஸ்ட்விக் என்பவரை காதலித்து வருவதாகவும், இருவரும் ஜோடியாக பல இடங்களில் சுற்றி திரிந்து வருவதாகவும் ஹாலிவுட் வட்டாரத்தில் தகவல் காட்டுத்தீபோல பரவி வருகிறது. பிரிட்டிஷ் நடிகர் எட் வெஸ்ட்விக் சின்னத்திரையில் மிகவும் பிரபலமான நடிகராவார். இவர், சன் ஆப் சாரோ, ரோமியோ ஜூலிட் , பில்லியனர் ரான்சம் போன்ற பல தொடர்களில் நடித்துள்ளார்.

மாடல் அழகியுடன் டேட்டிங்

இவர்கள் இருவரும் சர்வதேச திரைப்படவிழாவில் சந்தித்த போது நட்பு ஏற்பட்டு தற்போது அது டேட்டிங் வரை சென்று இருப்பதாக கூறப்படுகிறது. அதேபோல பிரிட்டிஷ் நடிகர் எட் வெஸ்ட்விக், தென்னாப்பிரிக்க மாடல் தாமரா பிரான்செஸ்கோனிவை இரண்டு ஆண்டுகளாக காதலித்து வந்துள்ளார். ஆனால், கடந்த ஆண்டு இருவரும் பிரிந்து விட்டனர்.