3 வேளையும் சோறு.. நோ எக்ஸர்சைஸ் - "குண்டு" அனுஷ்காவின் ரகசியம் இதான் பாஸ்!

கொடியிடை அனுஷ்கா

தமிழ் மற்றும் தெலுங்குலகில் அழகான நடிகையாக கொடியிடைக்கு சொந்தக்காரராகத் திகழ்ந்த நடிகை அனுஷ்கா இஞ்சி இடுப்பழகி படத்திற்காக பல கிலோக்களை ஏற்றி "குண்டுப் பெண்ணாக" மாறினார்.

நடிகர்கள் மட்டுமே

இதுவரை நடிகர்கள் மட்டுமே இந்த மாதிரியான செயல்களை செய்து வந்தனர், தற்போது முதன்முறையாக அனுஷ்கா இஞ்சி இடுப்பழகி படத்திற்காக தனது தோற்றத்தை ஏற்றி இறக்கி காட்டியிருக்கிறார். இதற்காக திரையுலகில் பல முக்கியமானவர்களின் பாராட்டுகளையும் அனுஷ்க பெற்றார்.

ரகசியத்தை வெளியிட்டார்

தனது தோற்றம் பற்றிய ரகசியத்தை சமீபத்தில் வெளிப்படுத்தி இருக்கிறார் அனுஷ்கா " நான் இந்தப் படத்திற்காக 16 முதல் 17 கிலோ உடல் எடையை அதிகரித்தேன். குறிப்பாக எனது முகம் மற்றும் தோள்கள் எடையைக் கூட்டி இருந்தேன். இதற்காக 3 வேளையும் அரிசிச்சோறு உண்டேன் மற்றும் கர்போஹைட்ரெட் அதிகம் உள்ள உணவுகளை எடுத்துக் கொண்டேன்.

உடற்பயிற்சியை கைவிட்டேன்

உணவுகளை எடுத்துக் கொண்டதோடு உடற்பயிற்சியையும் கைவிட்டேன், இதனால் நான் விரும்பிய தோற்றம் எனக்குக் கிடைத்தது. என்று இஞ்சி இடுப்பழகி படத்தின் ரகசியத்தை எடுத்துக் கூறியிருக்கிறார் அனுஷ்கா.

பாகுபலி 2 வுக்காக

"தற்போது பாகுபலி 2 படத்தின் ஷூட்டிங் செப்டெம்பர் மாத இறுதியில் தொடங்கப்படவுள்ளது. இதற்காக மீண்டும் எனது உடல் எடையைக் குறைக்க இருக்கிறேன். தற்போது 6 கிலோ வரை இந்தப் படத்திற்காக குறைத்து இருக்கிறேன்" என்று தனது நடிப்பு ரகசியங்களை வெளிப்படுத்தியிருக்கிறார் அனுஷ்கா.

இந்த அர்ப்பணிப்பு உங்களை எங்கயோ கொண்டு போகப்போகுது....