18 வயசுல உலக அழகி பட்டம்.. இப்போ 20 வருஷம் ஆகிடுச்சு.. ஃபீல் பண்ணும் பிரியங்கா சோப்ரா!

நேற்று நடந்தது போல

மாடலிங் துறையில் கலக்கி வந்த பிரியங்கா சோப்ரா, தனது 18வது வயதில் உலக அழகி பட்டத்தை தட்டிச் சென்றார். அதன் பின்னரே பாலிவுட்டில் அடியெடுத்து வைத்தார். 2000ம் ஆண்டு உலக அழகி பட்டத்தை பெற்ற நடிகை பிரியங்கா சோப்ரா, தற்போது திடீரென அந்த புகைப்படத்தை ஷேர் செய்து 20 வருடங்கள் ஆகிவிட்டன. ஆனால், எல்லாம் நேற்று நடந்தது போல இருக்கு என பதிவிட்டுள்ளார்.

பெண்களால் முடியும்

மேலும், அந்த ட்வீட்டுக்கு கீழே இன்னொரு கமெண்ட்டையும் நடிகை பிரியங்கா சோப்ரா பதிவிட்டுள்ளார். பெண்களால் எதையும் சாதிக்க முடியும் என்பதை நான் முழுமையாக நம்புகிறேன். அவர்களின் கைகளில் பொறுப்புகள் கொடுக்கப்பட்டால், நிச்சயம் பெரிய மாற்றங்கள் நிகழும் என பதிவிட்டுள்ளார். அரசியலுக்கு வரும் ஐடியா ஏதாவது இருக்குமோ?

மை குயின்

சோனாலி போஸ் இயக்கத்தில் கடந்த ஆண்டு வெளியான தி ஸ்கை இஸ் பிங் படத்தில், பிரியங்கா சோப்ரா நடித்திருந்தார். அந்த படத்தில் பிரியங்காவுக்கு ஜோடியாக ஃபர்கான் அக்தர் மற்றும் முக்கியமான கதாபாத்திரத்தில் நடிகை ஸைரா வாசிம் நடித்திருந்தனர். பிரியங்கா சோப்ராவின் அடுத்த படம் குறித்த அறிவிப்பு இன்னும் வெளியாகவில்லை. பிரியங்காவின் இந்த ட்வீட்டை பார்த்த ரசிகர் மை குயின் என கமெண்ட் செய்துள்ளார்.

கனவு மெய்யானது

பாலிவுட்டில் முன்னணி நடிகையாக வலம் வரும் நடிகை பிரியங்கா சோப்ரா, எவ்வளவு வருடங்கள் கடின உழைப்பை கொட்டி இந்த இடத்துக்கு முன்னேறியுள்ளார் என்பது தெளிவாக தெரிகிறது. கனவு மெய்யாகும் என்பதற்கு நீங்கள் தான் உதாரணம் என உலக அழகி பட்டம் வென்ற வீடியோவை ஷேர் செய்து இந்த ரசிகர் கமெண்ட் செய்துள்ளார்.

டெஸி கேர்ள்

2018ம் ஆண்டு வெளியான மேக்ஸிம் ஹாட் மேகஸினில் நடிகை பிரியங்கா சோப்ரா செம்ம செக்ஸியாக உள்ளாடையுடன் கொடுத்த போஸ் அட்டை படத்தை அலங்கரித்து இருந்தது. அந்த புகைப்படத்தை ஷேர் செய்து, டெஸி கேர்ள் என இந்த ரசிகர் கமெண்ட் செய்துள்ளார். கவர்ச்சியான உடைகள் பிரியங்காவுக்கு கச்சிதமாக பொருந்தும் என்பது உலகம் அறிந்தது.

அழகு தேவதை

பாலிவுட்டை தாண்டி ஹாலிவுட் படங்களிலும் நடிகை பிரியங்கா சோப்ரா அசத்தி வருகிறார். மேட்ரிக்ஸ் 4ம் பாகத்தில் நாயகியாக நடிக்க இறுதிகட்ட பேச்சுவார்த்தைகள் நடந்து வருவதாக சமீபத்தில் செய்திகள் வெளியாகின. காதலர் தினமான இன்று இப்படி ஒரு ட்வீட் போட்டுள்ள பிரியங்கா சோப்ராவை ரசிகர்கள் அழகு தேவதை என வர்ணித்து வருகின்றனர்.