அதிக சம்பளம் வாங்குவதில் தவறில்லை - சமந்தா

ஹீரோக்களுக்குதான்...

இதுகுறித்து அவர் கூறுகையில், "திரைப்படங்களில் கதாநாயகர்களுக்குத்தான் முக்கியத்துவம் தருகிறார்கள். அவர்களை சுற்றிதான் கதையும் பின்னப்படுகிறது. கதாநாயகிகளும் முக்கியமானவர்கள்தான். எங்களுக்கும் தனிப்பட்ட கூட்டம் இருக்கிறது.

குறைத்து மதிப்பிட வேண்டாம்

கதாநாயகர்களை பார்ப்பதற்காக தியேட்டர்களுக்கு ரசிகர்கள் வருவதைபோல் கதாநாயகிகளை பார்க்கவும் வருகிறார்கள். எங்களையும் ரசிக்கிறார்கள். எனவே நடிகைகளை குறைத்து மதிப்பிட வேண்டாம்.

தவறல்ல

கதாநாயகிகள் சம்பளம் அதிகம் வாங்குவதையும் விமர்சிக்கிறார்கள். அதிக சம்பளம் வாங்குவது தவறல்ல. மார்க்கெட் இருப்பதால்தான் தருகிறார்கள். இல்லாவிட்டால் சம்பளத்தை குறைத்து விடுவார்கள். எனவே மார்க்கெட் இருக்கும்போது சம்பளத்தை கூட்டி கேட்பது நியாயமானதுதான்.

பணம் மட்டுமே நோக்கமல்ல

பணம் மட்டும்தான் என் குறிக்கோள் என்றும் யாரும் கருதிவிட வேண்டாம். நல்ல கதையம்சம் உள்ள படங்கள் அமைந்தால் சம்பளம் வாங்காமல் நடிக்கவும் தயாராக இருக்கிறேன்.

உள்ளாடை விளம்பரத்தில் நடிக்கவில்லை

உள்ளாடை விளம்பர படத்தில் நடிக்க போவதாக செய்திகள் பரவி வருகின்றன. அப்படி எந்த படத்திலும் நான் நடிக்கவில்லை. அது தவறான தகவல்," என்றார்.