தமன்னா நடிச்சதுலயே இந்த ரோல் தான் அவருக்கு பிடிக்குமாம்.. அந்த கேள்வியை யாருமே கேட்கலையே?

கேன்ஸ் அனுபவம் பற்றி

உலக அரங்கில் இந்திய சினிமாவுக்கு கிடைத்த பெருமையாகவே கேன்ஸ் திரைப்பட விழாவை பார்க்கிறேன் என்றும் அதில் தானும் ஒரு சிறு அங்கமாக கலந்து கொண்டது பெரும் சந்தோஷத்தை கொடுக்கிறது என நடிகை தமன்னா ரசிகர் ஒருவர் கேட்ட கேள்விக்கு பதில் அளித்துள்ளார். மேலும், மும்பை மழையில் டிராபிக்கில் செல்லும் போது ரசிகர்களுடன் ட்விட்டரில் உரையாடிய தமன்னா இந்த நேரத்தில் 'அடடா மழைடா' பாடலுக்கு நடனம் ஆடினால் சூப்பராக இருக்கும் என்றார்.

நீங்க பண்ண சிறந்த விஷயம்

இந்த 2022ல் நீங்க பண்ண சிறந்த விஷயம் என்றால் எதை சொல்லுவீங்கன்னு ரசிகர் ஒருவர் கேட்ட கேள்விக்கு, இனிமேல் நான் செய்யப் போவது என சூப்பரா சொல்லி ஸ்கோர் செய்தார் தமன்னா. மேலும், சமீபத்தில் F3 படத்தில் ஆணாக நடித்தது ரொம்பவே கஷ்டமான விஷயம் என்றும் ரசிகர்கள் கேள்விக்கு செம க்யூட்டாக பதில் அளித்து வந்தார்.

பிடித்த ரோல்

மற்றொரு ரசிகர் நீங்க நடித்ததிலேயே உங்களுக்கு ரொம்பவே பிடித்த ரோல்னா எதை சொல்லுவீங்க என்று கேட்டதும் உடனடியாக சீனு ராமசாமி இயக்கத்தில் விஜய்சேதுபதியுடன் நடித்த தர்மதுரை சுபாஷினி கதாபாத்திரம் ரொம்பவே பிடிக்கும் என்றார். அடுத்ததாக இயக்குநர் ராஜமெளலி இயக்கத்தில் பிரபாஸுக்கு ஜோடியாக பாகுபலி படத்தில் தான் நடித்த இளவரசி அவந்திகா கதாபாத்திரமும் மனதை கவர்ந்த கதாபாத்திரம் என தமன்னா கூறியுள்ளார்.

அந்த கேள்வியை கேட்கல

விஜய் பிடிக்குமா? அஜித் பிடிக்குமா? என்றோ நீங்க எப்போ திருமணம் செய்து கொள்ளப் போறீங்கன்னோ நல்ல வேளை யாருமே கேட்கல என சிலர் ரசிகர்களே கமெண்ட் அடித்திருப்பது சமூக வலைதளத்தில் டிரெண்டாகி வருகிறது. விஷாலின் ஆக்‌ஷன் படத்துக்கு பிறகு தமிழில் ஒரு படம் கூட தமன்னா நடிக்கவில்லை. தெலுங்குல் ஒரு டஜன் படங்களும் இந்தியில் அரை டஜன் படங்களும் நடித்து வருகிறார்.