அப்பாடக்கர்.... ஜெயம் ரவியுடன் வெளிநாடுகளில் டூயட் பாடும் த்ரிஷா!

அப்பாடக்கர் படத்துக்காக வெளிநாடுகளில் ஹீரோ ஜெயம் ரவியுடன் டூயட் பாடப் போகிறார் நடிகை த்ரிஷா.

சுராஜ் இயக்கத்தில் உருவாகும் இந்தப் படத்தின் பெரும்பாலான காட்சிகள் சென்னை உள்ளிட்ட பகுதிகளில் படமாக்கப்பட்டுவிட்டன.

பட காட்சிகளை படமாக்கிவிட்ட படக்குழுவினர் தற்போது இரண்டு பாடல்களை மட்டும் படமாக்கவுள்ளனர். இதற்காக ஜெயம் ரவி, த்ரிஷா மற்றும் படக் குழுவினர் வெளிநாடு செல்லவுள்ளனர்.

காமெடி கலந்த பொழுது போக்கு படமாக உருவாகி வரும் அப்பாடக்கரில் விவேக், சூரி நடிக்கின்றனர். முக்கிய வேடத்தில் அஞ்சலி நடிக்கிறார்.

இப்படத்திற்கு தமன் இசையமைக்கிறார். யு.கே.செந்தில்குமார் ஒளிப்பதிவு செய்கிறார். லட்சுமி மூவி மேக்கர்ஸ் நிறுவனம் படத்தை பிரம்மாண்டமாக தயாரித்து வருகிறது.