தோழி நயனுக்கு அடித்த ஜாக்பாட் த்ரிஷாவுக்கும் அடிக்குமா?

பேய்

த்ரிஷா ஏற்கனவே அரண்மனை 2 பேய் படத்தில் நடித்து வெற்றி கண்டிருந்தார். இதையடுத்து தான் மீண்டும் பேயாக நடிக்க விரும்பிய த்ரிஷாவை தேடி வந்தது நாயகி வாய்ப்பு.

தேனாண்டாள் பிலிம்ஸ்

பேய் படங்களை வெளியிடுவதில் ஆர்வம் காட்டி வரும் தேனாண்டாள் பிலிம்ஸ் தான் நாயகியின் தமிழக தியேட்டர் வெளியீட்டு உரிமையை பெற்றுள்ளது. த்ரிஷாவின் மேனேஜர் கிரிதர் தயாரித்துள்ள இந்த படம் தமிழகத்தில் 200 தியேட்டர்களில் வெளியாகிறது.

கோலிவுட்

கோலிவுட் ரசிகர்கள் கொஞ்ச காலமாகவே பேய் மோகம் பிடித்து திரிகிறார்கள். எந்த பேய் படம் வந்தாலும் தியேட்டர்களுக்கு படையெடுத்து அதை ஹிட்டாக்காமல் விடுவது இல்லை என்ற முடிவோடு உள்ளனர். இந்நிலையில் தான் நாயகி ரிலீஸாகிறது.

நயன்தாரா

நயன்தாரா, த்ரிஷா உள்ளிட்ட முன்னணி நாயகிகள் பேய் படங்களில் நடிக்க காரணம் உள்ளது. பேய் படங்களில் ஹீரோயினுக்கு அதிக முக்கியத்துவம் என்பதால் துணிந்து நடிக்கிறார்கள். நயன்தாரா நடித்த மாயா பேய் படம் ஹிட்டானது என்பது குறிப்பிடத்தக்கது.