அடப் பாவமே... படம் பார்க்க வந்த ஒரே ஒரு ரசிகர்... பிளாட்டரைப் போலவே "ஃபிஃபா" எடுத்த படமும் போண்டி!

ஒரே ஒரு குருக்கள் வர்றார் வழி விடுங்கோ!

என்ன கொடுமை என்றால், பீனிஸ் டவுன்டவுனில் உள்ள பிலிம்பார் தியேட்டரில் இந்தப் படம் வெறும் 9 டாலர்தான் வசூலித்துள்ளதாம். அதாவது ஒரே ஒருவர்தான் வந்து படம் பார்த்து விட்டுப் போயுள்ளார். பரவாயில்லையே..ஒரே ஒருவர் வந்தாலும் படத்தை ஓட்டியிருக்கிறார்களே...!

மோசமான படம் பாஸ்

இது ஹாலிவுட் திரைப்பட வரலாற்றில் மிக மோசமான படம் என்ற பெயரை யுனைட்டெட் பேஷன் படத்துக்குத் தேடிக் கொடுத்துள்ளது.

நேரம் சரியில்லண்ணே

படம் திரைக்கு வந்த நேரம்தான் சரியில்லை என்கிறார்கள். ஃபிஃபா தலைவர் செப் பிளாட்டர் ஊழல் புகாரில் சிக்கி கடும் எதிர்ப்புக்குள்ளாகி ராஜினாமா செய்த சில நாட்களில் இந்தப் படம் திரைக்கு வந்தது. இதுவே அதற்குப் பெரும் பின்னடைவாகப் போய் விட்டது.

தியேட்டர் பத்து.. வசூலோ சொத்தை

நியூயார்க், லாஸ் ஏஞ்சலெஸ், வாஷிங்டன், பீனிக்ஸ், கான்சாஸ், மியாமி, மின்னபோலிஸ், ஹூஸ்டன், டல்லாஸ், பிலடெல்பியா ஆகிய நகரங்களில் இந்தப் படம் திரையிடப்பட்டது. ஆனால் வசூல் மகா கேவலமாக உள்ளது.

விரல் விட்டு எண்ணும் அளவில்

நார்த் ஹாலிவுட்டில் 164 டாலர், வாஷிங்டனில் 161 டாலர், நியூயார்க்கில் 112 டாலர் என்று வசூல் போய்க் கொண்டுள்ளது.

யார் நடிச்சு என்ன பயன்

இந்தப் படத்தில் டிம் ராத், பிளாட்டர் கேரக்டரில் நடித்துள்ளார். சாம் நீல், பிளாட்டருக்கு முன்பு தலைவராக இருந்த ஜோவோ ஹவலெங்கே வேடத்தில் நடித்துள்ளார். ஃபிஃபாவை நிறுவியவரான ஜூல்ஸ் ரிமெட் வேடத்தில் ஜெரார்ட் டெபர்டியூ நடித்துள்ளார். இவரது வேடத்திற்குத்தான் சற்று வரவேற்பு கிடைத்துள்ளதாம்.

இந்தப் படத்தை 32 மில்லியன் டாலர் செலவில் எடுத்துள்ளனர். ஆனால் போட்ட பணம் கண்டிப்பாக வராது என்று இப்போதே சொல்ல ஆரம்பித்து விட்டனர்