சகோதரியே... போய் வா... பிராஸ்னன் மகன் உருக்கம்!

நடிகர் சீன்

29 வயதான சீன் தனது தந்தையைப் போலவே நடிகர் ஆவார். தயாரிப்பாளராகவும் இருக்கிறார். இவரை கிட்டத்தட்ட தனது மகன் போல பாவித்து அன்பைப் பொழிந்து வந்துள்ளார் சார்லெட். இதனால் மற்றவர்களை விட சீன் மீது அதிக பாசம் காட்டியுள்ளார் சார்லெட்.

மெளனத்தால் அஞ்சலி

தனது சகோதரியின் மரணத்தால் மிகவும் சோகமடைந்துள்ள சீன், அதுகுறித்து எந்த இரங்கலையும் எழுத்துப் பூர்வமாக தெரிவிக்கவில்லை. மாறாக அவருடன் இருந்த புகைப்படங்களை வெளியிட்டுள்ளார்.

கடைசி நேரத்தில் எடுத்த போட்டோக்கள்

அதிலும் சார்லெட்டுடன் கடைசி மணித் துளிகளின்போது எடுக்கப்பட்ட படங்களை வெளியிட்டு அனைவரையும் உருக்கியுள்ளார் சீன்.

ஆயிரம் அர்த்தம் சொல்லும் புகைப்படங்கள்

அந்தப் புகைப்படங்கள் குறித்து எந்த வார்த்தையயும் சீன் பயன்படுத்தவில்லை. மாறாக அந்த புகைப்படங்களைப் பார்த்தாலே அவை ஆயிரம் அர்த்தங்களைக் கொடுப்பதாக உள்ளது.. பாசத்தின் மொழியைப் புரிய வைக்கிறது.. கண்கள் பணிக்க வைக்கிறது.

அன்புக்கும் உண்டோ அடைக்கும்தாழ்..

இந்தப் புகைப்படங்களில் சீனும், சார்லெட்டும் கொடுத்திருக்கும் போஸ்கள், அவர்கள் எந்த அளவுக்கு பாசத்தைப் பொழிந்து சந்தோஷமாக வாழ்ந்துள்னர் என்பதை சொல்லாமல் சொல்கிறது...

மரணம்தான் எவ்வளவு கொடியது....!