என்னம்மா பிறந்த குழந்தைக்கு இப்படியா பேர் வைப்பீங்க.. பிரபல டிவி நடிகையை கலாய்க்கும் நெட்டிசன்ஸ்!

கைலி ஜென்னர்

310 மில்லியன் இன்ஸ்டாகிராம் ஃபாலோயர்களை கொண்ட முதல் பெண் பிரபலம் எனும் பெருமையை கொண்ட பிரபல அமெரிக்க டிவி நடிகையும் மாடல் அழகியுமான கைலி ஜென்னர் தனது இரண்டாவது குழந்தையின் பெயர் குறித்த அறிவிப்பை தனது இன்ஸ்டாகிராம் பக்கத்தில் வெளியிட்டுள்ளார்.

ஆண் குழந்தை

2017ம் ஆண்டு அமெரிக்க ராப் பாடகர் டிராவிஸ் ஸ்காட்டை காதலித்து திருமணம் செய்து கொண்ட கைலி ஜென்னருக்கு 4 வயதில் ஸ்டார்மி எனும் பெண் குழந்தை உள்ளது. இந்நிலையில், இந்த பிப்ரவரி மாதம் 2ம் தேதி அழகிய ஆண் குழந்தைக்கு அம்மாவானார் நடிகை கைலி ஜென்னர். இதுவரை தனது குழந்தையின் முகத்தை காட்டாமல் இருந்து வரும் கைலி ஜென்னர் தற்போது குழந்தைக்கு வைத்துள்ள பெயர் குறித்து அறிவித்துள்ளார்.

அப்படி என்ன பெயர்

முதலில் பிறந்த பெண் குழந்தைக்கு புயலை குறிக்கும் ஸ்டார்மி எனும் பெயரை வைத்த கைலி ஜென்னர் இரண்டாவதாக பிறந்துள்ள ஆண் குழந்தைக்கு Wolf Webster (ஓநாய்) எனும் பெயரை வைத்துள்ளார். தனது இன்ஸ்டாகிராம் ஸ்டோரியில் அந்த பெயரையும் ஒரு வெள்ளை நிற ஹார்ட் எமோஜியும் பதிவிட்ட நிலையில், இணையத்தில் ஏகப்பட்ட மீம்கள் பறந்து வருகின்றன.

இப்படியெல்லாம் பெயர் வைப்பார்களா

கைலி ஜென்னரின் குழந்தையின் பெயரை அறிந்த நெட்டிசன்கள் ஏகப்பட்ட மீம்களை போட்டு கலாய்த்து வருகின்றனர். இப்படியெல்லாமா ஒரு குழந்தைக்கு பெயர் வைப்பார்கள் என்று அவரை கிண்டல் செய்தும் வருகின்றனர். முதல் குழந்தைக்கு புயல் என்றும் இரண்டாவது குழந்தைக்கு ஓநாய் என்றும் பெயர் வைக்க கைலி ஜென்னரால் மட்டும் தான் முடியும் என்றும் கலாய்த்து வருகின்றனர்.

குழந்தையின் புகைப்படம்

இதுவரை புதிதாக பிறந்த தனது குழந்தையின் புகைப்படத்தை வெளியிடாமல், அதன் பிஞ்சு விரல்கள் அக்காவை பிடித்திருப்பது போன்ற ஒரே ஒரு புகைப்படத்தை மட்டுமே கைலி ஜென்னர் வெளியிட்ட நிலையில், ஓநாய் முகத்தை போட்டு இதுதான் கைலி ஜென்னரின் குழந்தை Wolf-ன் புகைப்படம் என கலாய்த்து வருகின்றனர்.