சுகன்யா தி மியூசிக் டைரக்டர் - புதிய அவதாரம் எடுக்கும் நடிகை!

கொடி கட்டி பறந்த சுகன்யா:

தமிழ் சினிமாவில் ஒரு காலத்தில் கொடி கட்டி பறந்தவரான சுகன்யா பின்னர் அம்மா, அக்கா, அண்ணி கேரக்டர்களுக்கு நோ சொல்லியபடியே சிலகாலமாய் தலைமறைவாய் இருந்து வந்தார்.

தீவிரமாக சான்ஸ் வேட்டை:

இந்நிலையில் நடிகை சுகன்யா தற்போது மிகத்தீவிரமாக சான்ஸ் தேடி வருகிறாராம். நடிகையாக அல்ல, மியூசிக் டைரக்டராக.

இசை ஆல்பம் வேறு:

ஏற்கனவே சில மாதங்களுக்கு முன்பு சுகன்யா ஒரு இசை ஆல்பம் வெளியிட்டதை யாரும் மறந்திருக்க முடியாது.

கடுமையான பயிற்சிகள்:

இதுகுறித்து அவர், "கடுமையான பயிற்சிகள் மேற்கொண்டு நன்றாகத்தேறிவிட்டேன் என்று உணர்ந்தபிறகே இம்முடிவை எடுத்திருக்கிறேன்.

தமிழ்ப் படத்தில் விருப்பம்:

ஒரு நல்ல இயக்குநரின் படத்தில், குறிப்பாக தமிழ்ப்படத்தில் இசையமைப்பாளராகவே விரும்புகிறேன்" என்று தெரிவித்துள்ளார் சுகன்யா.

அதுக்கும் சான்ஸ் இருக்கு:

நடிகையாக மட்டுமல்லாமல் அருமையான பரதநாட்டிய டான்ஸராகவும் இருப்பவர் சுகன்யா என்பது நினைவிருக்கலாம். இந்த நிலையில் இசையிலும் கை வைக்கும் அவர் அப்படியே இயக்குநர் அவதாரம் எடுத்தாலும் எடுப்பார் போல.