கேஎஸ் ரவிக்குமாரின் கூகுள் குட்டப்பா... ஹிட்டடித்த பொம்ம பொம்ம பாடல்!

இயக்குநர் கேஎஸ் ரவிக்குமார்

நடிகரும் இயக்குநருமான கேஎஸ் ரவிக்குமார், தற்போது அதிகளவில் நடிப்பில் கவனம் செலுத்தி வருகிறார். இயக்கத்திலும் கவனம் செலுத்திவரும் இவர் தற்போது தனது ஆர்கே செல்லுலாய்ட் தயாரிப்பு நிறுவனம் மூலம் கூகுள் குட்டப்பா படத்தை குளோபல் என்டர்டெயின்மெண்ட் நிறுவனத்துடன் இணைந்து தயாரித்து வருகிறார்.

மலையாள படத்தின் ரீமேக்

படத்தில் லீட் கதாபாத்திரத்திலும் நடித்து வருகிறார். மலையாளத்தில் வெளியான ஆன்ட்ராய்ட் குஞ்சப்பன் படத்தின் ரீமேக்காக இந்தப் படம் உருவாகி வருகிறது. படத்தை அறிமுக இயக்குநர்கள் சபரி மற்றும் சரவணன் இணைந்து இயக்கி வருகின்றனர்.

பிக்பாஸ் பிரபலங்கள் நடிப்பு

பிக்பாஸ் மூலம் பிரபலமடைந்துள்ள தர்ஷன் மற்றும் லாஸ்லியாவும் படத்தின் லீட் கதாபாத்திரத்தில் நடித்துள்ளனர். படத்தில் யோகிபாபு காமெடி போர்ஷனில் நடித்துள்ள நிலையில், ரோபோ ஒன்று படத்தின் முக்கிய ரோலில் நடித்துள்ளது. அதை சுற்றியே கதை பின்னப்பட்டுள்ளது.

பாடல் வெளியீடு

ஜிப்ரான் இந்தப் படத்திற்கு இசையமைத்துள்ளார். படத்தின் போஸ்டர்கள் மற்றும் டீசர் வெளியிடப்பட்டு வரவேற்பை பெற்றுள்ளன. தற்போது படத்தின் பொம்ம பொம்ம பாடல் வெளியிடப்பட்டுள்ளது. அறிவு மற்றும் ஷிவாங்கி இணைந்து பாடியுள்ள இந்தப் பாடல் லிரிக் வீடியோவாக வெளியாகியுள்ளது.

ஒரே நாளில் மில்லியன் பார்வைகள்

சிறப்பான வகையில் அமைந்துள்ள இந்தப் பாடல் தற்போது வெளியாகி ஒரே நாளில் ஒரு மில்லியன் வியூஸ்களை பெற்றுள்ளது. இதையடுத்து படக்குழுவினர் மிகுந்த மகிழ்ச்சி அடைந்துள்ளனர். தமிழில் இத்தகைய முயற்சிகள் அரிதாக காணப்படும் நிலையில், இந்தப் படம் மிகப்பெரிய ஹிட்டடிக்கும் என்று எதிர்பார்க்கலாம்.