Click it and Unblock the Notifications
4 வது நார்வே தமிழ் திரைப்பட விழா 2013 - சுந்தரபாண்டியன், கும்கி உள்பட 15 படங்கள் தேர்வு!
நார்வே தமிழ் திரைப்பட விழா 2013- கோலாகலமாகத் தொடங்குகிறது. இந்த முறை ஐரோப்பாவின் முக்கிய நகரங்களான லண்டன், பெர்லின் மற்றும் ஆஸ்லோவில் இந்த விழா ஏப்ரல் 24ம் தேதி தொடங்கி 28-ம் தேதி வரை நடக்கிறது.
இந்த விழாவுக்காக தேர்வு செய்யப்பட்ட படங்களை அறிவிக்கும் பத்திரிகையாளர் சந்திப்பு இன்று சென்னை 4 பிரேம்ஸ் திரையரங்கில் நடந்தது.
தேர்வு செய்யப்பட்ட படங்களை விழாவின் இயக்குநர் வசீகரன் சிவலிங்கம் சார்பில், ஒருங்கிணைப்பாளர் டாக்டர் எஸ் சங்கர் வெளியிட்டார்.
படங்களின் பட்டியல்:
சுந்தரபாண்டியன்
பிட்சா
வழக்கு எண் 18 / 9
அட்டைக் கத்தி
கும்கி
சாட்டை
நடுவுல கொஞ்சம் பக்கத்தைக் காணம்
டோனி
ராட்டினம்
நீர்ப்பறவை
ஒருகல் ஒருகண்ணாடி
புதுமுகங்கள் தேவை
இனியவளே காத்திருப்பேன் (ஆஸ்திரேலியா)
இனி அவன் (இலங்கை)
சகாராப் பூக்கள் (கனடா)
குறும்படங்கள்
விழாவுக்கு குறும்படங்கள் அனுப்புவது குறித்து பின்னர் அறிவிக்கப்படும்.
இந்த நிகழ்ச்சியில் கும்கி பட இயக்குநர் பிரபு சாலமன், நீர்ப்பறவை இயக்குநர் சீனு ராமசாமி, அட்டக்கத்தி இயக்குநர் ரஞ்சித், சாட்டை இயக்குநர் அன்பழகன், ராட்டினம் இயக்குநர் தங்கசாமி, நடுவுல கொஞ்சம் பக்கத்தைக் காணோம் இயக்குநர் பாலாஜி தரணிதரன், புதுமுகங்கள் தேவை பட இயக்குநர் மணீஷ்பாபு, பிட்சா பட இயக்குநர் கார்த்திக் சுப்புராஜ், ரெட் ஜெயன்ட் சார்பில் சுந்தர் ஆகியோர் கலந்து கொண்டனர்.
நார்வே திரைப்பட விழா பிஆர்ஓ ஏ ஜான் அனைவரையும் வரவேற்று, தொகுத்து வழங்கினார்.
Continue with Google