தேர்தல் வாரம்.... நான்கு படங்கள் ரிலீஸ்... பார்க்கத் தயாரா மக்களே?

கோ 2

சில ஆண்டுகளுக்கு முன் வெளியாகி வெற்றிப் பெற்ற கோ படத்தின் தொடர்ச்சி என்று கோ 2வை வெளியிடுகிறார்கள். இரண்டாம் பாகத்தில் பாபி சிம்ஹா, நிக்கி கல்ராணி நடித்துள்ளனர்..

பென்சில்

ஜிவி பிரகாஷ் நாயகனாக அறிமுகமாகவிருந்த படம் இந்த பென்சில். ஆனால் இந்தப் படத்துக்குப் பிறகு அவர் நடித்த இரண்டு படங்கள் வந்து, அவரையும் முக்கிய ஹீரோக்கள் வரிசையில் வைத்துவிட்டன. மிகத் தாமதமாக இப்போதுதான் ரிலீசாகிறது பென்சில்.

உன்னோடு கா

பஞ்சாமிர்தம் படத்துக்குப் பிறகு அபிராமி ராமநாதன் தயாரித்துள்ள இரண்டாவது படம் உன்னோடு கா. ஆரி நாயகனாக நடித்துள்ளார். ஆர்கே இயக்கியுள்ளார்.

ஜம்புலிங்கம்

கோடையில் குழந்தைகளைக் குறிவைத்து வருகிறது ஜம்புலிங்கம் 3 டி படம். ஹரி ஹரீஷ் இயக்கியுள்ளனர். கோகுல்நாத், அஞ்சனா, சுகன்யா மற்றும் பல ஜப்பானிய நடிகர்கள் நடித்துள்ளனர்.

கூட்டம் வருமா?

இந்தப் படங்கள் எந்த மக்களிடம் வரவேற்பைப் பெறும் என்பதைக் கணிக்க முடியவில்லை. காரணம் தேர்தல் களத்தின் சுவாரஸ்யமே இப்போது மக்களுக்கு பெரும் பொழுதுபோக்காக உள்ளது. வாக்குப் பதிவு, வாக்கு எண்ணிக்கை, தேர்தல் முடிவு, புதிய அரசு அமைவது போன்ற நிகழ்வுகளில் பாமரர்களும் கவனம் செலுத்தும் சூழலில் இத்தனைப் படங்கள் ரிலீசாவது சரிதானா? என்ற கேள்வியை பாக்ஸ் ஆபீஸில் எழுப்பி வருகின்றனர்.