அடுத்த ஸ்டாப் 500 கோடி தான்.. பொன்னியின் செல்வன் இதுவரை செய்த வசூல் சாதனை எவ்வளவு தெரியுமா?

2.0, விக்ரம், பொன்னியின் செல்வன்

ரஜினிகாந்தின் 2.0 படம் தமிழ் சினிமாவில் முதன் முறையாக 400 கோடிக்கும் அதிகமாக வசூல் செய்த படம் என்கிற லிஸ்டில் உள்ளது. அதனை தொடர்ந்து இந்த ஆண்டு கமல்ஹாசனின் விக்ரம் படம் 400 கோடி கிளப்பி இணைந்தது. விக்ரம் படம் வெளியாகி சில மாதங்களிலேயே வெளியான பொன்னியின் செல்வன் திரைப்படமும் 11 நாட்களிலேயே 400 கோடியை கடந்துள்ளது ஒட்டுமொத்த தமிழ் சினிமாவுக்கும் மிகப்பெரிய வரப்பிரசாதமாக மாறி உள்ளது.

பொற்காலம்

தமிழர்களின் பொற்காலமாக சோழர்களின் ஆட்சி இருந்தது எனக் கூறப்படும் நிலையில், சோழர் கொடியை பறக்க விட்டு வந்த பொன்னியின் செல்வன் திரைப்படம் வெளியாகி 400 கோடி வசூல் வேட்டை நடத்தி உள்ள நிலையில், தமிழ் சினிமாவுக்கும் இந்த ஆண்டு பொற்காலமாகவே மாறியுள்ளது என்று திரையுலகினர், தியேட்டர் உரிமையாளர்கள் கொண்டாடி வருகின்றனர்.

உலகளவில் ரீச்

தமிழ், தெலுங்கு, இந்தி, மலையாளம் மற்றும் கன்னடம் எனும் 5 மொழிகளில் பான் இந்தியா மொழிகளில் வெளியான பொன்னியின் செல்வன் திரைப்படம் ஆர்ஆர்ஆர், கேஜிஎஃப் மாதிரி 1000 கோடி வசூலை கடக்குமா? என்று எதிர்பார்த்தால் இந்தி, தெலுங்கு மற்றும் கன்னடத்தில் பெரிதாக ரீச் கிடைக்கவில்லை. ஆனால், அதே சமயம் இதுவரை செய்யாத அளவுக்கு உலகளவில் மிகப்பெரிய வசூல் வேட்டையை நடத்தியுள்ளது.

மொத்த வசூல்

தமிழ்நாட்டில் மட்டுமே 190 கோடி அளவுக்கு வசூல் செய்து நம்பர் ஒன் வசூல் செய்த படம் என மாறி உள்ள பொன்னியின் செல்வன் உலகம் முழுவதும் 11 நாட்களில் 450 கோடி வரை வசூல் சாதனை படைத்துள்ளதாக தகவல்கள் வெளியாகி உள்ளன. கார்த்தி, சியான் விக்ரம், ஜெயம் ரவி, த்ரிஷா, ஐஸ்வர்யா ராய் மற்றும் பல முன்னணி நடிகர்கள் நடித்த இந்த படம் இத்தனை பெரிய வசூலை அடைந்த நிலையில், அனைவருமே சந்தோஷத்தின் உச்சத்தில் உள்ளனராம்.

அடுத்த ஸ்டாப் 500 கோடி

பொன்னியின் செல்வன் தீபாவளி கடந்தும் திரையரங்கில் நன்றாகவே ஓடும் என எதிர்பார்க்கப்படுகிறது. அடுத்த வாரமும் படத்தின் வசூல் இதே நிலையில் சென்று கொண்டிருந்தால் நிச்சயம் மேலும், ஒரு 100 முதல் 120 கோடி வசூல் வரும் என எதிர்பார்க்கப்படுகிறது. அடுத்த ஸ்டாப் நிச்சயம் 500 கோடி தான் என பாக்ஸ் ஆபிஸ் டிராக்கர்கள் அடித்து சொல்கின்றனர்.