ஆர்ஆர்ஆர் தான் எனது கடைசி படம்...அறிவிப்பில் அதிர்ச்சி கொடுத்து பிரபல நடிகர்

படிப்படியாக வளர்ந்த ராகுல்

அர்ஜுன் ரெட்டி, கீதா கோவிந்தம், ஹுசாரு, ப்ரோசிவரேவருரா, ஸ்கைலேப், ஆல வைகுண்டபுரமுலு உள்ளிட்ட பல படங்களில் நடித்து பிரபலமானவர் ராகுல் ராமகிருஷ்ணா. கடந்த ஆண்டு இவர் நடித்த NET என்ற படம் ஜீ5 ல் வெளியிடப்பட்டது. காமெடி உள்ளிட்ட பல ரோல்களில் நடித்துள்ளார் ராகுல் ராமகிருஷ்ணா.

ஆர்ஆர்ஆர் படத்தில் முக்கிய ரோல்

ராகுல் ராமகிருஷ்ணா ஹீரோவாக நடித்த ஜதி ரத்னலு படம் சமீபத்தில் வெளியானது. இந்த படம் பாக்ஸ் ஆபிசில் மிகப் பெரிய வெற்றியை பெற்றது. ஜதி ரத்னலு படத்தின் வெற்றியை தொடர்ந்து எஸ்.எஸ்.ராஜமெளலியின் ஆர்ஆர்ஆர் படத்தில் மிகவும் வெயிட்டான ரோலில் நடித்துள்ளார் ராகுல். 2022 ம் ஆண்டு அதிகம் எதிர்பார்க்கப்படும் படங்களில் ஆர்ஆர்ஆர் படமும் ஒன்று.

இனி நடிக்க மாட்டேன்

இந்நிலையில் இன்று ராகுல் தனகு ட்விட்டர் பக்கத்தில், 2022 ம் ஆண்டிற்கு பிறகு எந்த படத்திலும் நான் நடிக்க போவதில்லை. ஆர்ஆர்ஆர் நான் கடைசியாக நடித்த படங்களில் ஒன்று. இதற்கு மேல் எந்த படமும் நடிக்க மாட்டேன். நான் இதற்காக கவலைப்படவில்லை. இதற்காக வேறு யாரும் கவலைப்பட வேண்டாம் என ராகுல் கிருஷ்ணா கேட்டுக் கொண்டுள்ளார்.

Recommended Video

Actress Madhuri Jain Speech | Sivakumarin Sabadham Pressmeet | Filmibeat Tamil

எதற்காக இந்த முடிவை எடுத்தார்

வளர்ந்து வரும் நடிகரான ராகுல் திடீரென எதற்காக இப்படி ஒரு முடிவை எடுத்தார் என தெரியவில்லை. என்ன காரணத்திற்காக இந்த முடிவை எடுத்தார் என்பது பற்றி விரிவாக ட்விட்டர் பதிவில் எதையும் குறிப்பிடவில்லை. இதனால் ராகுலின் ரசிகர்கள் மட்டுமின்றி திரையுலகினரும் பயங்கர அதிர்ச்சியிலும், குழப்பத்திலும் உள்ளனர்.