தளபதி 63: பர்ஸ்ட் லுக்குகளில் பட்டைய கிளப்பும் விஜய்.. கொஞ்சம் இங்க பாருங்க!

எதிர்பார்ப்பு எதிர்பார்ப்பு

விஜய் இதற்கு முன்பு நடத்த படங்களின் பர்ஸ்ட் லுக் வெளியானதுமே, இணையதளத்தில் வைரலாகியது வரலாறு. இன்று வெளியாகும் தளபதி 63 பர்ஸ்ட் லுக்கும், பழைய சாதனைகளை முறியடிக்கும் என்ற எதிர்பார்ப்பு எகிறிப்போயுள்ளது. இந்த சமயத்தில், விஜய் நடித்து வெளியான கடந்த 3 திரைப்படங்களின் பர்ஸ்ட் லுக் எப்படி இருந்தது என உங்கள் பார்வைக்கு வைக்கிறோம். ஒரு எட்டு பார்த்துட்டு வந்துடலாமா?

ஸ்டைலிஷ் லுக்

இதுதாங்க, சர்கார் திரைப்படத்தின் பர்ஸ்ட் லுக். விஜய், தனது வாயில் சிகரெட் வைத்தபடி, லைட்டருடன் இருக்கும் காட்சி அது. துப்பாக்கி திரைப்படத்திற்கு பிறகு, ஏறத்தாழ அதே ஸ்டைலிஷ் கெட்டப்பில், இதில் விஜய் காட்சியளித்து, ரசிகர்களின் பல்ஸ்ஸை எகிற வைத்தார்.

ஜல்லிக்கட்டு காளையுடன் துள்ளி வந்த விஜய்

பின்னணியில் ஜல்லிக்கட்டு காளைகள், நெற்றியில் விபூதி குங்குமம், வித்தியாசமான ஹேர்ஸ்டைல் என மெர்சல் படத்தின் முதல் லுக்கில் மாஸ் காட்டினார் விஜய். தமிழரின் மண்மணத்தோடு வரப்போகும் படம் என்று அப்போதே கட்டியம் கட்டி கூறியது இந்த பர்ஸ்ட் லுக்.

ரிக்ஷாவில் வந்த பைரவா

ரிக்ஷா மீது சன் கிளாஸ் அணிந்து கொண்டு, இடதுகாலை தூக்கி வைத்தபடி வித்தியாசமான ஸ்டைலிஷ் லுக்கில், பர்ஸ்ட் லுக் காட்சியளித்தார் விஜய். அவரது வித்தியாசமான ஹேர்ஸ்டைலும் ரசிகர்களை ஈர்க்க தவறவில்லை. இப்படி ஒவ்வொரு படத்திற்கும் வித்தியாசம், காட்சிய விஜய், இன்று தரப்போகும் விஸ்வரூபத்திற்காக வழிமீது விழி வைத்து காத்துள்ளனர் ரசிகர்கள்.