அடடா! பார்க்கவே எம்புட்டு நல்லா இருக்கு.. பொங்கல் வரைக்கும் அந்த பேனர் கிழியாம இருந்தா சரி!

பொங்கல் போட்டி

வரும் பொங்கல் 2023க்கு தமிழ் சினிமாவில் மிகப்பெரிய வசூல் வேட்டை நடை பெற உள்ளது. ஜனவரி 12ம் தேதி வாரிசு மற்றும் துணிவு என இரு படங்களுமே ஒரே நாளில் ரிலீஸ் செய்யப்பட்டால் ஒட்டுமொத்த திரையரங்குகளும் 10 நாட்களுக்கு மேல் நிரம்பி வழியும் என எதிர்பார்க்கப்படுகிறது. பொங்கல் போட்டியை எல்லாம் தாண்டி இரு படங்களையுமே வாங்கும் தியேட்டர் ஓனர்களுக்கு வசூல் வேட்டை காத்திருக்கு என்கின்றனர்.

தல தளபதி பேனர்

சோஷியல் மீடியாவில் விஜய் மற்றும் அஜித் ரசிகர்கள் இடையே கடும் சண்டை வாரிசு படத்தின் இசை வெளியீட்டு விழாவுக்கு பிறகு வெடித்து வரும் நிலையில், தற்போது தல தளபதி பேனர் ஒன்று செம டிரெண்டாகி அந்த பிரச்சனைகளை முடிவுக்கு கொண்டு வந்திருக்கிறது. திருநெல்வேலி மாவட்ட அஜித் ரசிகர்கள் இந்த ஏற்பாடை செய்துள்ளனர்.

ரொம்ப சூப்பர்

பார்க்கவே அம்புட்டு நல்லா இருக்கு என்றும் விஜய் மற்றும் அஜித் எப்போதுமே நண்பர்களாக ஒற்றுமையாக இருப்பது போல அவர்களது ரசிகர்களும் ஒன்றாக இருந்து வரும் பொங்கல் பண்டிகைக்கு வெளியாகும் இரு படங்களையும் பார்த்து கொண்டாட வேண்டும் என கமெண்ட்டுகள் குவிகின்றன.

பேனர் இருக்குமா பாருங்க

யாராவது எங்கேயேவது ஒரு சிலர் இந்த நல்ல முன்னெடுப்பை எடுப்பார்கள். ஆனால், அந்த பேனர் கூட பொங்கல் வரை முழுசா கிழியாம இருக்குதான்னு பார்க்கணும். வாரிசு மற்றும் துணிவு படங்களை வாங்கி உள்ள தியேட்டர்களின் நிலை என்ன ஆகுமென்றே தெரியவில்லை என ட்ரோல் செய்து வருகின்றனர்.

இன்சூரன்ஸ் பண்ணிடுங்க

ஏற்கனவே நேரு ஸ்டேடியத்தில் வாரிசு இசை வெளியீட்டு விழா நடைபெற்ற நிலையிலேயே ஏகப்பட்ட நாற்காலிகள் மற்றும் அந்த அரங்கின் பல பகுதிகள் சேதமடைந்துள்ளதாக புகார்கள் எழுந்துள்ளன. வாரிசு மற்றும் துணிவு படங்கள் ஒரே நேரத்தில் வெளியாக உள்ள நிலையில், தியேட்டர்களை எல்லாம் இன்சூரன்ஸ் பண்ணிடுங்க.. ஸ்க்ரீன்களுக்கு முன்பாக ஆணியடித்து ரெடியா வச்சிக்கோங்க என்றும் எச்சரிக்கைகள் பறக்கின்றன. இல்லை என்றால் விஜய் மற்றும் அஜித் ரசிகர்களின் அட்டகாசத்தை பார்ப்பீங்க என்றும் கலாய்த்து வருகின்றனர்.