அஜீத் படத்திற்கு வெட்டி விலாஸ் என்று பெயர் சூட்ட திட்டம்?

சென்னை: சிறிய படங்கள் தான் தலைப்பு வைக்க மெனக்கேடுகிறார்கள் வித்தியாசமாக பெயர் வைக்கிறார்கள் என்று நினைத்தால், அந்த நினைப்பை உடனடியாக ஒரு நல்ல ரப்பர் வைத்து அழித்து விடுங்கள்.

பெரிய படங்களுக்கும் அதே நிலைமைதான் கதை யோசிப்பது படமெடுப்பது இவை எல்லாவற்றையும் பெரிய விசயமாக இருப்பது படங்களுக்கு பெயர் வைப்பதுதான். விஷயம் இதுதான் சிறுத்தை சிவா இயக்கத்தில் அஜீத், சுருதிஹாசன், லட்சுமி மேனன் மற்றும் சூரி ஆகியோர் நடித்து வந்த தல 56 படத்தின் படப்பிடிப்பு விரைவில் முடிவடைய இருக்கிறது.

கொல்கத்தாவில் ஷூட்டிங் முடித்து தற்போது சென்னை திரும்பியிருக்கும் படக்குழுவினர் அடுத்து சென்னையில் ஒரு மாத காலம் படப்பிடிப்பை தொடர இருக்கின்றனர். இத்துடன் மொத்த படப்பிடிப்பும் முடிவுற இருக்கிறது என்று சொல்கிறார்கள்.

முழுப் படமும் முடியப் போகும் இந்த தருணத்திலாவது பெயரை வைத்துவிட வேண்டும் என்று மொத்த படக்குழுவும் ரூம் போட்டு யோசித்து, வரம் என்று முதலில் பெயர் வைத்திருக்கிறார்கள்.

ஆனால் நிறைய பேருக்கு அந்தப் பெயர் பிடிக்காமல் போய்விட தற்போது படத்திற்கு பொருத்தமாக வெட்டி விலாஸ், என்று பெயர் வைத்திருப்பதாக சாரி வைக்க இருப்பதாக தகவல்கள் வெளியாகி உள்ளன.

வெட்டி விலாஸ்? கதைப் பஞ்சம் தலைவிரித்தாடுதுன்னு கேள்விபட்டுருக்கேன், தலைப்புப் பஞ்சம் புதுசா இருக்கு...