வாரிசு ஆடியோ ரிலீஸுக்குப் போட்டியாக கெத்து காட்டப் போகும் அஜித்... மெர்சலான விஜய் ரசிகர்கள்!

காத்திருக்கும் துணிவு அப்டேட்

அல்டிமேட் ஸ்டார் அஜித்குமார் நடித்துள்ள 'துணிவு' திரைப்படம் பொங்கல் ஸ்பெஷலாக ரிலீஸாகிறது. ஹெச் வினோத் இயக்கத்தில் ஆக்‌ஷன் ஜானரில் உருவாகியுள்ள இந்தப் படத்தில் அஜித்துடன் மஞ்சு வாரியர், சமுத்திரகனி உள்ளிட்ட பலர் நடித்துள்ளனர். வங்கியில் இருந்து பணத்தை கொள்ளையடிக்கும் கேங்ஸ்டர் கேரக்டரில் அஜித் நடித்துள்ளதாக சொல்லப்படுகிறது. மேலும், படம் முழுக்க அஜித் ரசிகர்களுக்கான ஆக்‌ஷன் ட்ரீட் கன்ஃபார்ம் என்றும் துணிவு படக்குழு தரப்பில் இருந்து அப்டேட் கிடைத்துள்ளது.

பொங்கல் ரேஸில் விஜய்யின் வாரிசு

இதனிடையே பொங்கலுக்கு விஜய்யின் வாரிசு திரைப்படமும் திரையரங்குகளில் வெளியாகிறது. ஒன்மேன் ஆர்மியாக பொங்கல் ரேஸில் களமிறங்கி வசூலை தட்டித் தூக்கிவிடலாம் என நினைத்தது வாரிசு டீம். ஆனால், இப்போது அஜித்தின் துணிவு படமும் பொங்கலுக்கு வெளியாவதால், வாரிசு தயாரிப்பாள தில் ராஜூ கலக்கத்தில் இருக்கிறாராம். இன்னொரு பக்கம் வாரிசு, துணிவு படங்களுக்கான ப்ரோமோஷன் பணிகள் வேகமாக நடைபெற்று வருகின்றன. முக்கியமாக வரும் 24ம் தேதி வாரிசு ஆடியோ ரிலீஸ் மிகப் பிரம்மாண்டமாக நடைபெறவுள்ளதாக சொல்லப்படுகிறது.

கெத்து காட்டப் போகும் அஜித்

வாரிசு ஆடியோ வெளியீட்டு விழா குறித்து, அதனை தொகுத்து வழங்கவுள்ள பிக் பாஸ் ராஜூ டிவிட்டரில் அப்டேட் கொடுத்திருந்தார். பின்னர் அந்த டிவிட்டர் போஸ்ட்டை அவர் டெலிட் செய்துவிட்டார். ஆனாலும் அவர் சொன்ன 24ம் தேதியில் தான் வாரிசு ஆடியோ வெளியீட்டு விழா நடைபெறும் என தெரிகிறது. இதனால் அதே தேதியில் அஜித்தும் கெத்து காட்ட ரெடியாகியுள்ளாராம். அதன்படி துணிவு படத்தின் மூன்றாவது சிங்கிளை ரிலீஸ் செய்யவுள்ளதாம் படக்குழு. முக்கியமாக இந்தப் பாடலின் டைட்டில் தான், விஜய் ரசிகர்களை மெர்சலாக்கியுள்ளது.

24ம் தேதி மாலை சம்பவம் இருக்கு

துணிவு படத்தில் இருந்து ஏற்கனவே சில்லா சில்லா, காசேதான் கடவுளடா என இரண்டு பாடல்கள் வெளியாகியுள்ளன. இந்நிலையில், மூன்றாவது பாடல் வரும் 24ம் தேதி மாலை 5 மணிக்கு ரிலீஸாகும் என எதிர்பார்க்கப்படுகிறது. இந்தப் பாடலுக்கு 'கெத்து' என டைட்டில் வைக்கப்பட்டுள்ளதாகவும் தகவல் வெளியாகியுள்ளது. வாரிசு ஆடியோ ரிலீஸ் நடைபெறும் அதேநாள், அதே நேரத்தில் துணிவு 3வது சிங்கிள் ரிலீஸாகவுள்ளது எதிர்பார்ப்பை ஏற்படுத்தியுள்ளது. வாரிசு படத்தில் இருந்தும் இதுவரை மூன்று பாடல்கள் வெளியாகிவிட்டாலும், அஜித்தின் சில்லா சில்லா சாங் தான் தொடர்ந்து ட்ரெண்டிங்கில் இருப்பது குறிப்பிடத்தக்கது. இதுதான் விஜய் ரசிகர்கள் மெர்சலாகவும் காரணம் என கூறப்படுகிறது.