அக்ஷரா கல்யாணத்தையே அன்சீன்ல வச்சிட்டீங்களே.. அப்புறம் திடீர்னு புருஷன்னு சொன்னா கன்ஃப்யூஸ் ஆகாதா?

அக்‌ஷரா புருஷன் யாரு

புருஷனா இருந்தாலும் கொடுக்க மாட்டேன் என அக்‌ஷரா ரெட்டி திடீர்னு சொன்னதை பார்த்து ஷாக்கான பிக் பாஸ் ரசிகர்கள் அந்த சீனில் ராஜு பாய் மற்றும் நீருப் இருக்க இருவரில் யாரை புருஷன் என அக்‌ஷரா சொல்கிறார் என குழம்பிப் போயுள்ளனர். சமூக வலைதளங்களில் ஏகப்பட்ட கமெண்ட்டுகளும் அக்‌ஷரா புருஷன் யாரு? என்கிற கேள்வியுடன் கிளம்பின.

அக்‌ஷரா கல்யாணம்

அக்‌ஷரா ரெட்டி பிரட் திருடி விளையாடும் காட்சிகளை நேற்றைய எபிசோடில் ஹைலைட் செய்திருந்த பிக் பாஸ் எடிட்டர். அக்‌ஷராவுக்கு ஒட்டுமொத்த பிக் பாஸ் குடும்பமும் இணைந்து நடத்தி வைத்த திருமணத்தை அன்சீனில் வைத்து விட்டார். இதனால், தான் விஜய் டிவியில் எபிசோடு பார்த்த ரசிகர்களுக்கு பயங்கர குழப்பம் ஏற்பட்டுள்ளது.

மாப்பிள்ளை யார்

அக்‌ஷராவின் அண்ணனாக ராஜு பாயும் அக்‌ஷராவுக்கு மாப்பிள்ளையாக அண்டர் டேக்கர் நிரூப்பும் நடத்திய திருமண நாடகம் அன்சீனில் களைகட்டி உள்ளது. விஜய் மியூசிக் மற்றும் டிஸ்னி பிளஸ் ஹாட்ஸ்டாரில் போடப்படும் அன்சீனை பார்த்தவர்கள் அந்த அட்டகாசமான காட்சியை கண்டு ரசித்து இருப்பார்கள்.

ஆர். மாதவன்

அக்‌ஷராவுக்கு மாப்பிள்ளையாக நிரூப் அமர்ந்து இருக்க தங்கைக்கு கிடைத்த கணவனான நிரூப்பை பார்த்து ராஜு பாய் மாதவன்.. மாதவன்.. ஆர். மாதவன் என நடிகர் மாதவன் உடன் ஒப்பிட்டு பேசியது வேறலெவல் என்டர்டெயின்மென்ட்டாக இருந்தது. பிரட் பஞ்சாயத்தை ஓரங்கட்டி விட்டு இதை வைத்திருந்தாலே நேற்றைய எபிசோடு கொஞ்சம் சுவாரஸ்யமாக இருந்திருக்கும்.

சிபி பாவனி லவ் சீன்

அக்‌ஷராவுக்கும் நிரூப்புக்கும் திருமணம் நடப்பதற்கு முன்னதாக சிபி, வருண், பாவனி மற்றும் சுருதி போட்ட லவ் டிராமாவும் அன்சீனில் இருக்கு. மன்மதன் சிம்பு போல சிபி நடித்து பாவனி கிட்ட ரொமான்ஸ் செய்த காட்சிகள் எல்லாம் வேற லெவல். சிபியே எப்போதாவது தான் பர்பார்மன்ஸ் பண்றாரு அதெல்லாம் அன்சீன்ல வச்சா எப்படி பிக் பாஸ் என ரசிகர்கள் கேள்வி எழுப்பி வருகின்றனர்.