முகப்பு

செய்திகள்

பிறந்தநாள் கொண்டாடும் பாலிவுட் நாயகி தீபிகா படுகோனேவை குஷி படுத்தியுள்ளது அமுல். தீபிகாவின் படங்களில் இருந்து முக்கிய போட்டோக்களை எடுத்து அட்டர்லி பட்டர்லி பேபியாக கொலாஜ் செய்து தீபிகாவை உற்சாகப்படுத்தியுள்ளது அமுல்.

அமுல் விளம்பரங்களில் வரும் உருண்டை முகமும் முட்டைகண்களும் உப்பிய கன்னங்களும் கொண்ட புள்ளிகளிட்ட சட்டை அணிந்த குட்டிப்பெண் தான் இந்த அமுல் பேபி. அமுல் இந்திய வெண்மைப் புரட்சியின் முக்கியமான அடையாளம். மிகப்பழைமையும் புகழும் கொண்ட ஒரு பிராண்ட். இந்த பிராண்ட் அறிமுகப்படுத்தப்பட்டு 50 ஆண்டுகளுக்கும் மேலாகிவிட்டது.

அரசியல் சினிமா கிரிக்கெட் பண்டிகைகள் என்று எல்லா விஷயங்களையும் கிண்டலடிக்கும் அந்த விளம்பரங்களின் வெற்றி அமுல் என்கிற பிராண்டை இந்தியாவின் அடையாளங்களில் ஒன்றாக மாற்றிவிட்டது.

ஷாருக் கானுடன் தீபிகா ஆடும் லுங்கி டான்ஸ், யேக் ஜவானி ஹேய் தீவானி படத்தில் ரன்பீருடன் கிளாமர் ஆட்டம் போடும் தீபிகா, ராம் லீலாவில் ரன்பீர் கபூருடன் ரொமான்ஸ் செய்யும் தீபிகா, அர்ஜூன் கபூருடன் பைண்டிங் பேணியில் காதலிக்கும் தீபிகா என அனைத்து படங்களில் இருந்தும் ஸ்டில்ஸ்களைப் போட்டு பிறந்தநாள் வாழ்த்து கூறியுள்ளது அமுல்.

இதை பார்த்த தீபிகாவின் முகத்தில் ஏற்பட்ட மலர்ச்சியை பார்க்கணுமே, சந்தோசத்தில் பூரித்து போனாராம் தீபிகா.