அஜித் - சிவாவுடன் மூன்றாவது முறையாக இணையும் அனிருத்... அதிகாரப்பூர்வ அறிவிப்பு எப்போ?

யுவன் இசை

விவேகம் படத்தைத் தொடர்ந்து மீண்டும் சிவாவும் அஜித்தும் இப்படத்தில் ஒன்றிணைகிறார்கள். இதனைத் தொடர்ந்து விசுவாசம் படத்தில் யுவன் இசையமைக்கவுள்ளதாக தகவல் வெளியானது. 'மங்காத்தா', பில்லா 2', 'ஆரம்பம்' ஆகிய படங்களுக்குப் பிறகு அஜித் படத்துக்கு யுவன் இசையமைக்கவிருப்பதால் செம எதிர்பார்ப்பு நிலவியது.

அனிருத் / சாம் சி.எஸ்

அஜித் - யுவன் ஷங்கர் ராஜா மீண்டும் இணைந்ததால் மகிழ்ச்சியில் இருந்த அஜித் ரசிகர்களுக்கு யுவன் ஷங்கர் ராஜா படத்திலிருந்து விலகிவிட்டதாக வெளிவந்த இந்தச் செய்தி கொஞ்சம் அதிச்சியளித்தது. யுவன் படத்திலிருந்து விலகியிருப்பதால் அனிருத் அல்லது சாம் சி.எஸ் ஆகியோருடன் பேச்சுவார்த்தை நடந்து வருவதாக தகவல் வெளியானது.

அனிருத் உறுதி

ஆனால், நான் 'விசுவாசம்' படத்தில் இருக்கிறேனா என்பது எனக்கே தெரியாது என்று சாம் சி.எஸ் தெரிவித்துள்ளார். இந்நிலையில் அனிருத்திடம் பேச்சுவார்த்தை நடத்தப்பட்டுள்ளது. அனிருத் ஒப்புக்கொண்டதை அடுத்து பொங்கல் பண்டிகைக்குப் பிறகு ஒப்பந்தத்தில் அனிருத் கையெழுத்திட உள்ளார். அதன்பிறகு அதிகாரப்பூர்வ அறிவிப்பு வெளியாகும்.

அஜித்துடன் மூன்றாவது முறையாக

சிவா இயக்கத்தில் அஜித் நடிப்பில் வெளிவந்த 'வேதாளம்', 'விவேகம்' படங்களைத் தொடர்ந்து 'விசுவாசம்' படத்துக்கும் அனிருத் இசையமைக்க உள்ளார் என்பது குறிப்பிடத்தக்கது. பிப்ரவரியில் 'விசுவாசம்' படப்பிடிப்பு தொடங்குகிறது.