மோமோஸ் பிளேட்டால் வந்த வினை.. ட்ரோல் செய்த நெட்டிசனை கெட்ட வார்த்தையால் திட்டிய அர்ஜுன் கபூர்!

வாரிசு நடிகர்

தமிழில் நேர்கொண்ட பார்வை, வலிமை, நெஞ்சுக்கு நீதி உள்ளிட்ட படங்களை தயாரித்து வரும் தயாரிப்பாளர் போனி கபூரின் முதல் மனைவி மோனா செளரி கபூரின் மகன் தான் அர்ஜுன் கபூர். இரண்டாவதாகத் தான் நடிகை ஸ்ரீதேவியை திருமணம் செய்து கொண்டார் போனி கபூர். ஸ்ரீதேவியின் மகள் ஜான்வி கபூரும் பாலிவுட்டில் ஹீரோயினாக நடித்து வருகிறார்.

ஏகப்பட்ட படங்கள்

உதவி இயக்குநராக பாலிவுட்டில் பணியாற்றி வந்த அர்ஜுன் கபூரை கடந்த 2012ம் ஆண்டு இஸாக்ஜாதே திரைப்படத்தின் மூலம் பாலிவுட்டில் ஹீரோவாக அறிமுகம் செய்தனர். தொடர்ந்து அவுரங்கஸிப், கன் டே, 2 ஸ்டேட்ஸ், ஃபைண்டிங் ஃபேனி, கி அண்ட் கா, ஹாஃப் கேர்ள் ஃபிரெண்ட், பானிபட் என பல படங்களில் அர்ஜுன் கபூர் நடித்துள்ளார்.

மலைகா அரோராவுடன் காதல்

ஷாருக்கானின் உயிரே படத்தில் இடம்பெற்ற 'தக்க தைய்யா' பாடலில் நடனமாடிய கவர்ச்சி கன்னி மலைகா அரோராவுடன் காதலில் விழுந்த அர்ஜுன் கபூர் கடந்த 2016ம் ஆண்டு முதல் அவருடன் பார்ட்னராக திருமணம் செய்யாமல் வாழ்ந்து வருகிறார். மலைகா அரோராவுக்கு 48 வயதாகிறது. அர்ஜுன் கபூருக்கு 36 வயதாகிறது.

வெயிட்டை குறைத்து

நல்ல குண்டா அழகா இருந்த அர்ஜுன் கபூர் திடீரென ஃபிட்டான உடற்கட்டுக்கு மாற வேண்டும் என நினைத்து கடினமாக ஜிம்மிலேயே வொர்க்கவுட் செய்து தற்போது சிக்ஸ் பேக் உடம்புக்கு மாறி ஒட்டுமொத்த பாலிவுட் பிரபலங்களையும் தனது ரசிகர்களையும் ஆச்சர்யத்தில் ஆழ்த்தி உள்ளார்.

மோமோஸால் வந்த வினை

கடந்த 15 மாதங்களாக கடுமையாக உடற்பயிற்சி செய்து கட்டுமஸ்த்தான தோற்றத்துக்கு மாறி உள்ள அர்ஜுன் கபூர், சமீபத்தில் மோமோஸ் பிளேட்டுடன் போஸ்ட் ஒன்று போட்டுள்ளார். அதனை பார்த்த நெட்டிசன் ஒருவர் அர்ஜுன் கபூரின் ஜிம் டிரைனரான ட்ரூ நீல் என்பவரை டேக் செய்து நீங்க பட்ட கஷ்டமெல்லாம் வேஸ்ட்டா போச்சு, அர்ஜுன் கபூர் எப்பவுமே ஃபிட்டாக மாட்டார் அவருக்கு அறிவே இல்லை என எல்லை மீறி ட்ரோல் செய்துள்ளார்.

திட்டித் தீர்த்த அர்ஜுன் கபூர்

உடனடியாக கோபம் மண்டைக்கு ஏறிய நிலையில், உங்கள் டிஸ்பிளே பிக்சரில் வைக்கும் படமாக நாங்கள் எப்போதுமே சிக்ஸ்பேக் உடன் இருக்க வேண்டுமா? என கேட்டு கெட்ட வார்த்தையால் அந்த நெட்டிசனை திட்டித் தீர்த்துள்ளார் அர்ஜுன் கபூர். உடல் ஆரோக்கியத்தை எப்படி பேண வேண்டும் என எங்களுக்குத் தெரியும், நீங்க ஒண்ணும் கிளாஸ் எடுக்க வேண்டாம் என வெளுத்து வாங்கி உள்ளார்.